STA CRUZ --- Diadomingo Brazil Taekwondo Stichting a organisa su carwash pa recuada fondo pa asina su miembronan` por bai Miami na Juli, pa un siman di camptraining y campeonato.

Mester bisa cu e comision di mayornan a haci un cos den labamento di auto. E mayornan y muchanan a baha ariba e 300 autonan manera piranja y termina nan den tempo zap.

Fast Delivery a trece tur nan autonan te Brazil pa asina nan por a haya un bon laba pa asina ora cu nan a subi cayanan dialuna pa recohe post di nan clientenan cu auto ta blink.

Hende a trece auto for di tur parti di Aruba pa asina contribui cu Brazil Taekwondo Stichting. Tawata tin autobus, station wagen, van y hasta 4 wheel drive cu a bin pa laba. E autonan tawata pasa via un circuit di spuit auto, un di pasa habon ariba e auto y un section di hawa e auto y por ultimo e section di seca e autonan. E tawata bai asina liher cu prome cu e cliente por a blink su wowonan ya su auto tawata cla pa bay. Tur a bai ta mustra clean clean.

E muchanan tawata masha contento di por a laba e autonan, e autonan a wordo laba di paden y pafor, hasta e mat nan di e autonan tawata wordo laba.

Brazil Taekwondo Stichting kier a gradici tur esnan cu a yuda cu donacion manera: IDEFRE, Aru-Pro, Flora Market, Smart Alarm, General Store, Cas Bon N.V., Maduro Enterprices, Consales, Balashi Brouwerij, Realco Investment, Pro-Master, Ultimate Landscaping N.V.,Centro di Bario Brazil y e comision di mayornan. Tambe tur esnan cu a cumpra carchi y no a bin pa nan auto wordo laba y tambe na tur cu a cumpra y nan auto a wordo laba,masha danki pa coopera cu Taekwondo e deporte di futuro.


 

Average user rating

   (0 vote)