| on Wednesday, 09 June 2010
|
Published in : , Futbol |
 (Custom).JPG "BubalivsBritannia2 (9) (Custom).JPG")
NOORD- Back to back championship? Kizas, e posibilidad ey ta existi pa e muchanan di Sv Britannia di Piedra Plat, mirando cu nan a yega un otro final di futbol Division di Honor cu un empate di 0 - 0 contra di Bubali. Despues di a sali campeon di e campeonato regular,
un bez mas e hungadornan di Sv Britannia a haci nan trabou y demostra e faboritismo pa logra otro titulo campeonil.
Dialuna anochi a tuma lugar e weganan di playoff di fubol Division di Honor entre e cuater equiponan clasifica. Na stadion Guillermo Trinidad na Dakota, Estrella y La Fama a enfrenta otro, mientras na Frans Figaroa na Noord, Bubali cu su 7 punto y Britannia cu su 8 puno a enfrenta otro den un duelo, na unda e ganador entre si, automaticamente lo a clasifica pa e gran final. Den nan prome encuentro Bubali y Britannia a empata na cero gol. Den e alineacion di ambos equipo no a mira mucho cambio, e bolante Ericson Tromp di Bubali ta suspendi, mientras den Britannia nos no a mira Jonathan Lake, kende ta lesiona, pero si ariba banki. Ta bon pa menciona cu stadion di Frans Figaroa tabata repleto di hende, pues yen yen.
PROME TEMPO
Den e prome mitad di e partido por a mira un Britannia peligroso y mas efectivo cu bala cu esnan di Bubali. Ya tempran, Chando de Lange ta haya e promer bon oportunidad, pero portero Dania ta sali y tapa esaki bon. Di otro banda mester bisa cu Bubali tabata den algun momento peligroso, principalmente Sonny Hooi y Villamarin, tabata esnan cu a haya e mihor oportunidadnan di anota. Segun e wega ta avanza, un Britannia cu leve dominio, pero tog no hayando e chensnan di gol desea. Ta bon pa bisa cu nos a mira un wega deportivamente hunga, cu solamente un carchi pa Carlos Geerman.
SEGUNDO TEMPO
Den e segundo tempo nos por a mira un wega completamente diferente, un Bubali dominando esaki por completo, mientras cu Britannia apesar di a bai hunga defensivo ta haya tres oportunidad clave, pero no ta probecha. Faltando un 15min pa e wega termina, esaki ta bira uno super emocionante ya cu ningun di dos equipo no kier perde y un Bubali hayando su chensnan di anota, pero no ta probecha, aunke tin cu duna credito na portero Werleman di Britannia, cu a luci ariba tur hugada. E delantero Sonny Hooi di Bubali, no tabata den su anochi, paso sigur na tres ocasion el a benta esakinan afor. Despues di e pitazo final, e alegria tabata grandi cerca Britannia, kende un biaha mas ta clasifica pa otro gran final di futbol. Pa loke ta Bubali, diaranzon awor nan lo mester enfrenta Estrella den un duelo di un pa tera y e otro pa laman. Estrella kende ta dal La Fama cu e score di 2 - 0, cu golnan di Power Hassel y Ikel Lopez, ta mira su chens bira grandi despues di e victoria. Estrella mester di un victoria si, pa e por clasifica pa e gran final, mientras cu Bubali cu un empate, nan lo por disputa un final di fubol Division di Honor, esaki despues di 24 anja.
|
|
|
| Users' Comments |
|
Average user rating
 (0 vote)
|
|
Add your comment
|
 (Custom).JPG "BubalivsBritannia2 (9) (Custom).JPG")
 (Custom).JPG)
 (Custom).JPG)
 (Custom).JPG)
 (Custom).JPG)
 (Custom).JPG)
 (Custom).JPG)
 (Custom).JPG)
 (Custom).JPG)
 (Custom).JPG)
 (Custom).JPG)
 (Custom).JPG)
 (Custom).JPG)
