| on Sunday, 31 October 2010
|
Published in : , Basketball |
 (Custom).JPG "BAsketball100709 (1) (Custom).JPG")
ORANJESTAD – E division junior di basketball ta bastante competitivo, pero cu un team cu ta un cabez mas halto y esey ta La Estrella Aruba Juniors. Dia cu nan a hunga contra di Dollar Rent A Car Bulldogs por a mira basta trekmento durante e wega.
La Estrella a tuma ventaha di 12-0 y tabata mustra cu e wega lo a bira un velorio pa Bulldogs. Aunke cu e team a repone, La Estrella no a duna nan chens pa crese. Tabata den e ultimo quarter cu Bulldogs a hasi un maximo esfuerso y a sera e ventaha te na un basket, cu gran iniciativa di Rayziel Thomas, pero aki e elenco estreya di Vladimir Damus, Jondereth Flores y Javier Romney a drenta wega y nan agresividad defensivo a pone e offensiva di Dollar bira asina erratico, cu den un periodo di apenas 4 minuut nan a comete 13 turnover y La Estrella a pronk merecidamente cu un victoria di 83-66.
Dollar a sigui pa gana RCA 74-70 den un wega cu hopi up & downs. Na half e wega tabata 30-28 na fabor di Dollar, pero den e tercer quarter RCA Gatorade a tuma over cu un accion di 14-22. E desventaha di 44-50 no a descurasha Dollar y nan a sali manera bulldogs rabioso den e ultimo etapa pa score 30-20 y gana cu diferente di 4 punto, no obstante e 37 puntonan cu e talentoso Nuri Madadi a basha riba e cachonan di raza. Jair Richardson 16, Rayziel Thomas 14 y Gavin Tromp 10 punto a tene e oficialnan di mesa activo pa banda di Dollar.
Ora cu Bulldogs a topa YMCA-San Nicolas na Pastoor Hendrikstraat no a spera cu e resultado lo tabata asina perta. E energetico Jair Richardson a lidera e 19-15 den e promer quarter cu 8 punto, pero YMCA a bin straight back cu 14-18 pa empata e score na halftime, danki na accionnan individual di Geremy Halley y Chakaya Hazel, kendenan por cierto a bira e topscorer di nan team, cu respectivamente 23 y 21 punto.
Dollar Bulldogs a realisa cu nan wega a perde focus, pero esun cu realmente a pone nan back den wega tabata Kayborn Banfield. Hinkando hopi energia ela score un dozijn di punto den e tercer quarter pa hiba su team na 59-49. YMCA a bin back cu 24 punto den e ultimo quarter, di cual 10 a bin di Christopher Tromp, cu a termina cu 16, pero ya Bulldogs tabata prepara pa no cai den sorpresa. Jair a cuminsa drive mas y e team a bin gana 80-73. Banda di Jair 23, Kayborn cu 22, Garreth Tromp a sink 14 punto. E team tabatin 4 threepointer.
Diasabra awor tin un bankete di wega ora cu Bulldogs lo hanya un segundo chens contra di La Estrella.
|
|
|
| Users' Comments |
|
Average user rating
 (0 vote)
|
|
Add your comment
|
 (Custom).JPG "BAsketball100709 (1) (Custom).JPG")
