| on Sunday, 12 December 2010
|
Published in : , Basketball |
.jpg "Picture 093 (Custom).jpg")
ORANJESTAD – Radio Shack Red Devils di Aruba Juniors practicamente a dicidi e prome wega di e final den e prome tempo. Cu un produccion di apenas 9-8 den e prome quarter, e diabelnan corra, guia pa Rafeek Kamoeddiek a pone e machin di punto core cu 24-12 den e segundo quarter contra Aruba Lions di Club Estrella pa drenta sociego 33-20.
E segundo mitar a bai hopi parew, esta 21-19 y 20-19, pero esey a nifica tambe cu no obstante e 14 puntonan di Jordan Guardiolla den e ultimo quarter, nada no por a stroba Red Devils di gana comodamente 74-58. Jordan a termina cu 25 punto den e causa perdi.
Pa e ganadornan Rafeek a marca 19, Chesron Elgin 17, Abimael Ortiz 14 y Juan Hernandez cu 10.
E segundo wega no a bai mucho diferente, pero e resultado final si. Red Devils un biaha mas a tuma comando di e wega, cu e mayoria di e diabelnan participando den e score. Cu 17 -14 y 18-12 den e prome 2 quarternan, Radio Shack a pika dilanti cu 35-26 na halftime. E team sinembargo no tabatin e mesun focus di e prome wega y aunke cu e tercer quarter a mustra un scoring di 16-14, e falta di concentracion y un wega demasiado individual a sali e team caro. E ventaha di 51-40 na comienso di e uiltimo quarter a ser elimina den un frega-di-wowo pa Michael Havertong cu 7 punto y Jordan Guardiola cu 8. Simpelmente Devils no por a trankilisa nan wega y hungando ancia pa temor di e derota. Nan defensa tabata masha pober permitiendo drivenan un tras di otro. Na final di wega Rafeek a hasi su esfuerso extra anotando 3 basket tras di otro, pero no na tempo, ya cu di biaha el a foul-out. Nan a mira e entrega di copa pasa nan dilanti ora cu e Leonnan a laga e oloshi transcuri cu e score di 64-66 na nan fabor y forsa un tercer wega.
Francis Pacheco a contribui bon den e victoria aki cu 18 punto primodialmente den e prome tempo. El a hanya bon ayudo di Michael 15 y Jordan 14 punto. Pa Red Devils Chesron Elgin a traha hopi duro tanto den defensa como den ataque y el a termina cu 24 punto y Juan Hernandez cu 14.
E wega decisivo y final ta pacta pa Diasabra awor pa 6’or di atardi riba cancha di Aruba Juniors.
|
|
|
| Users' Comments |
|
Average user rating
 (0 vote)
|
|
Add your comment
|
.jpg "Picture 093 (Custom).jpg")
