| on Wednesday, 09 February 2011
|
Published in : , Noticia |
 (Custom).JPG "Asambleariojaniero (1) (Custom).JPG")
Oranjestad, 9 februari 2011: E Asamblea General Ordinario di ODESUR a wordo inaugura den presencia di e Secretaria di Deporte y Entretenimento di Estado di Río de Janeiro, Marcia Lins, representando a Gobernador Sergio Cabral,
di Secretario di Conservación di e Ciudad di Río de Janeiro, Carlos Roberto Osório, representando a Alcalde Eduardo Paes, y di representantenan di e 15 Comitenan Olimpico Nacional cu ta integra e entidad. Comité Olimpico Arubano tabata representa pa Secretaria General Nicole Hoevertsz. Den e apertura, presidente di ODESUR, Carlos Arthur Nuzman, a yama bonbini na e participantenan y a remarca e bon momento cu deporte suramericano ta pasando aden. "Nos ta dilanti di un momento histórico pa nos continente, y cu e posibilidad único pa apoya e desaroyo di deporte y pa hasi posibel un serie di oportunidadnan pa hubentud di Sur America. E Weganan Suramericano Medellin 2010 a duna na e competencia un nivel nobo y mas halto di organización, engrandeciendo nos papel riba e escenario internacional. Di e mesun manera, e conquista di e sede di e Weganan Olimpico Rio 2016 a trece esperanza nobo pa e deporte di nos continente. E hecho di ta completamente “on schedule” cu e cronograma pa e Weganan Olimpico ta motiva nos ainda mas pa sigui traha pa e excelente organización di e weganan. Mi ta sigur cu nos por contribui na un forma grandi na desaroyo di deporte di e Movimento Olimpico den henter mundo ", a afirma Nuzman, cu ta presidi tambe e Comité Organizador di e Weganan Olimpico Rio 2016 y e Comité Olímpico Brasileño.
|
|
|
| Users' Comments |
|
Average user rating
 (0 vote)
|
|
Add your comment
|
 (Custom).JPG "Asambleariojaniero (1) (Custom).JPG")
