A wordo hunga riba 9 diasabra sigui, cuminsando diasabra 23 april y terminando cu entregamento di premio diasabra 25 juni.

E “Youth Chess Challenger Cup 2011” tawata un torneo valido pa ELO-ratings y

FAA-points. Un total di 29 hungador a inscribi pa participa!

E biaha aki tawata tin extra premio na banda di e premionan pa e di prome tres puestonan. E premionan extra aki tawata pa stimula tur participante pa hasi nan best

extra bon ya cu nan por a bira e mihor hungador den nan categoria di ELO-rating.

ELO-rating ta un number entre 1000 y 3000 cu ahedrezistan tin si nan ta participa na torneonan na un club, torneonan nacional y/o torneonan internacional.

E ELO-rating ta duna bo un bon idea con fuerte e ahedrezista ta hungando e momento ey. Den cada torneo e ahedrezista por gana of perde ELO-punten y despues di cada torneo su ELO-rating ta wordo updated. Tambe tawata tin e “raketprijs” pa e hungador cu a subi mas di ELO-rating durante e torneo aki.

Resultadonan Final:

Campeon:        Angel Centeno                                   

Subcampeon:   Mark Bueno               

Tercer lugar:    Jomar Benschop         

Best Player ELO 1700-2000: Quintin v/d Seijp

Best Player ELO 1600-1700: Mark Bueno

Best Player ELO 1500-1600: Angel Centeno

Best Player ELO 1400-1500: Brian Diaz

Best Player ELO 1300-1400: Daniel Diaz

Best Player ELO 1000-1300: Julio Acosta

Raketprijs: Daniel Diaz

Youth Chess Challenger Cup U-21 tawata un exito total! Nuebe dia di wega cu hopi partidonan interesante, sorpresanan grandi, promocion di pionnan, atakenan riba rokade, combinacionnan tactico y bunita hugadanan di checkmate. Aspectonan di e deporte di ahedrez cu tur ahedrezista gusta di mira.

Sports Aruba tawata presente durante e entregamento di premio pa filma y saca potret.

Directiva di Federashon di Ajedrez di Aruba ta felicita tur e ganadornan y ta gradici tur e participantenan pa nan participacion. Sigui practica ahedrez!

Average user rating

   (0 vote)