ORANJESTAD (AAN)--- Diasabra 2 di juli anochi ta bay ta un anochi pa corda!! E famoso Scucha, Pensa, y Contesta di Club Primavera lo tuma lugar cuminsando pa 8’or di anochi!!
E sorpresa di biaha pasa, e poderoso Power Puff Girls, ya ta preparando full speed pa defende nan titulo, mientras cu tin confirmacion cu Brains R Us a disidi cu e biaha aki nan lo pone turbo den e cerebro! No lubida tambe cu e famoso Nul-komma-Nul a disidi di cuminsa bay e next level, y claro e “buyoso” nan di BLO-BLO bou liderasgo indiscutibel di “Shoma” lo tey sigur sigur pa bolbe pone vloer tembla!
Te n’e ultimo momentonan aki nos no sa den ki condicion Ross “The Boss” Wouben su team ta, pero semper di su parti por spera sorpresa! Un otro team cu ta canando furioso rond ta AHHH ….. parse cu e “100 puntjes” na Solito a dal nan duuurrrrooooo!! No preocupa, aki nos ta bay “suaaaveee” cu e puntjes nan ….
Sra. Lourdes da Silva di Club Portugues a instala zwaailicht y alarma pa asina su cell number 5654088 ring “any time, 24/7” e ta kla den estado di alerta maximo pa atende yamada nan cu ta drentando pa inscribi!! Corda cu lugar ta limita na maximo 20 team, dus no warda t’e na ultimo ora!!! Bin celebra dia di Madeira na Club Primavera, cu su famoso grill “spetada Portuguesa” y despues di hersengymnastiek lo tin tononan live di banda “Plezi Mizik”!!
E prijs lo ta 10 florin pa partisipante y por cuminsa inscribi via cellular 5654088 of desde 7’or y mei di anochi na club. Tin un maximo di 20 team y 6 hende per team.
Bo sa con ta yama un hende cu no por hole??? Bo sa kiko ta un “raspabil”??? E soppi ta na candela!!!! Yegaaaa!!!
|
|
|
| Users' Comments |
|
Average user rating
 (0 vote)
|
|
Add your comment
|
