| on Friday, 22 July 2011
|
Published in : , Billiard |
.jpg "D-Gun AUA-VEN (Custom).jpg")
ORANJESTAD (AAN)--- Weekend awor cuminsando 22 di juli, departamentonan gubernamental lo “clash” contra otro den e famoso palacio di billiard na Pos Abou, esta Classic Billiard.
Diabierna 22 di juli, pa 7:30 di anochi, lo tira lot y lo start di biaha. E ganadornan di diabierna lo bolbe Diasabra pa disidi campeon, y e perdedornan tambe lo bataya diasabra pa di tercer lugar. Premiacion lo ta bay ta super atractivo!!
E cuatro teamnan partisipante lo ta entre otro e “Arquitecto” nan di DOW, bou guia di Carlos Gomez, kendenan lo relaha e weekend aki despues di tanto trabow na e “swimming pool olympico” di Sabana Liber! Tambe lo tin participacion di e “Flamante” nan di Brandweer bou liderasgo di e dinamico Indjomar “take it or leave it” Briezen, kende nan ta disidido di paga cualkier candela ariba mesa! Di tres team lo ta e “Accijns” nan di Douane, bou guia exclusivo di Wilfred “sultz” Tromp, kende nan lo pasa “foullieer” un pa un pa wak si no tin “nothing to declare” y pone accijns ariba dje. Por ultimo, como di cuatro team, lo partisipa e “Sangura” nan di GKB bou liderasgo di nada menos cu Aaron “The Baron” Franken, kla pa spuit insectisida ariba su contrincantenan!
Pues shonnan, bini un bini tur na e tremendo clash aki y bin apoya bo departamento den e candeloso confrontacion deportivo aki. Bar y cushina lo ta super bon surti bou guia di “Master” Ryan y chef Jeff!! Yegaaaaa!!!!
|
|
|
| Users' Comments |
|
Average user rating
 (0 vote)
|
|
Add your comment
|
.jpg "D-Gun AUA-VEN (Custom).jpg")
