Weganan interesante di handbal a continua den Centro Deportivo Betico Croes na Santa Cruz pa mira cua ta e schoolnan cu ta clasifica pa e final nacional. Despues di e bunita y tremendo partidonan di semi-final, e

E prome wega cu a tuma lugar tabata entre Commandeur Pieter Boer School y Pius X School, cu a resulta un wega sumamente rapido pa e hobennan di Commandeur Pieter Boer School cu a pasa relativamente fasil riba Pius X School. E wega ta finalisa cu anotacion di 11 pa 1. Esaki a hasi cu automaticamente e prome clasificado pa e wega final ta bira Commandeur Pieter Boer School.

Den e di dos wega di atardi a hunga Cacique Macuarima School contra di St. Paulus School. E wega di handbal aki a resulta bastante pareu, pero finalmente ta e hobennan di Cacique Macuarima ta bay cu e victoria di 8 pa 4 contra di St. Paulus School, cu mester conforma nan mes pa hunga e wega contra di Pius X School pa por define cua school ta resulta na di 3er lugar. Mientras cu Cacique Macuarima School ta pasa pa hunga e gran final contra di Commandeur Pieter Boer School.

Wega pa 3er lugar:

Mesora despues a continua cu e wega pa defini e clasificacion final di e schoolnan den e competencia di handbal escolar organisa pa IDEFRE. E wega a bay entre St. Paulus School y Pius X School, cual wega a resulta uno bastante cera den anotacion. Na final di e tempo reglamentario e score ta keda empata, cu a pone cu mester a pasa pa tironan di penalty pa define e wega. Aki ta unda cu e keeper di St. Paulus School, atento ta logra na varios occasion pa scapa anotacion y despues finalmente ta e mesun keeper cu ta logra hasi e anotacion di victoria pa duna St. Paulus School e wega gana contra di Pius X School cu e score di 3 pa 1. Esaki a hasi e hobennan di St. Paulus School merecedor di e medaya di e di tres lugar y tambe nan a ricibi nan trofeo correspondiente.

Wega final di Handbal Escolar:

E ultimo wega di atardi a sigui di biaha entre Commandeur Pieter Boer School y Cacique Macuarima School. E wega a cuminsa cu hopi movecion y rapidamente e schoolnan a cuminsa anota pa purba sigura un victoria. Yen di emocion e minuutnan tabata transcurri pero finalmente ta e hobennan di Commandeur Pieter Boer School ta saborea e victoria riba esnan di Cacique Macuarima School cu ta keda na 2do lugar, mientras cu e medaya y trofeo di campeon den competencia di handbal escolar organisa pa IDEFRE ta bay San Nicolaas pa Commandeur Pieter Boer School. Cacique Macuarima School tambe ta ricibi e merecido medaya y trofeo di sub-campeon.

IDEFRE ta felicita tur school cu a participa den e torneo di handbal escolar y ta invita e schoolnan pa sigui practica e deporte aki pa otro aņa cada school ta mihor prepara pa duna un bunita y tremendo competencia den e deporte aki cu ta hopi gusta entre hobennan.

Siguiente actividad deportivo escolar ta bira e torneo di Futbol di Sala pa schoolnan di Enseņansa Avansa. IDEFRE ta invita tur alumno di e schoolnan cu ta participa, docente, mayor y tambe fanaticonan di futbol di sala pa bin apoya nos hobennan den nan encuentro y competencia di futbol di sala escolar cu ta tuma lugar den Centro Deportivo Betico Croes na Santa Cruz.

Average user rating

   (0 vote)