| on Thursday, 02 February 2012
|
Published in : , Noticia |
Ya pa varios siman e Comision di Premio Excelencia de Deporte ta reuni pa asina evalua y discuti ariba e prestacion di nos atletanan den e anja deportivo 2011. Tur anja e Comision PED tin e tarea dificil di scohe e miho atletanan cu dia aden y dia afor ta traha duro pa logra e meta poni nan dilanti.
E anja aki un bez mas, e diferente federacionnan deportivo a manda nomina nan miho atletanan. Cu esaki a keda demostra cu e Premio Excelencia den Deporte tin e atencion serca e mayoria di e federacionnan, den cada categoria a ser manda un of mas deportista. E Comision PED tin menos cu un luna pa evalua tur e peticionnan cu a drenta pa asina haci nan escohencia final. Mirando e cantidad grandi di nominadonan, e comision lo bai tin un tarea sigur dificil, paso ta tur atleta a presta ariba un bon nivel. E comision encarga cu Premio Excelencia den Deporte 2011 ta consisti di representantenan di ASU, IDEFRE, Ministerio di Deporte como tambe miembronan di Prensa Deportivo. E anja aki, e comision PED ta ser representa pa Sr. Gerald Franca como presidente, Sra. Jos Maduro como secretaria, e demas miembronan ta Sr. Michael Peasch, Sra. Verouschka Croes, Sra. Jacky van Putten, Sr. Willy Willems, Sr. Claret Lopez, Sr. Cadochi Kock, Sr. Eli Kock, Sr. Jenny Loopstok, Sr. Carryl Kelly, Sr. Robby Burleson y Sr. Seever Krozendijk. Den e siman nan cu lo sigui nos lo tende ta kendenan lo ta e atletanan cu lo competi pa un premio den e unico evento di gala deportivo, esta Premio Excelencia den Deporte
|
|
|
| Users' Comments |
|
Average user rating
 (0 vote)
|
|
Add your comment
|
By: selito (Guest IP 201.229.80.162) on 03-02-2012 08:31
E IDEA TA PA NOMBRA E MIHORNAN INDIVIDUAL, DEN CADA DEPORTE, ASINA MOTIVA E OTRONAN, MESTER TA MODELO OF ROLE MODEL.
SI E COMISION HANJA OF BUSCA E RESULTADO DI CADA ATLETA DEN SU PRESTACION INDIVIDUAL, MASKE CU E TA DEN CUALKE TEAM, OFICIAL Y REGISTRA DURANTE FULL ANJA 2011. NO TIN NADA DIFICIL....SIMPLEMENTE NOMBRA Y ANUNCIA E TOPNAN OF MIHORNAN , ABASE DI PRESTACION Y NADA MAS.