| on Thursday, 02 February 2012
|
Published in : , Noticia |
Recientemente a tuma luga un charla comunitario na Instituto Pedagogico Arubano (IPA). Esaki a wordo organisa door di e Centro di Investigacion y Desaroyo di Enseñansa (CIDE) na IPA. E anochi a cuminsa cu un splicacion cortico tocante e concepto di charla comunitario tin como meta
e comunidad participa activamente durante e discusion riba e topico di anochi. Esaki a wordo stimula pa medio di dos presentado cu ta specialisa riba e tereno aki, drs. Emy Maduro cu ta un specialista den educacion (onderwijskundige) y docente di pedagogia na IPA cu a coördina e estudio di Movecion y Salud. Tambe Sra. Maduro a publica recientemente un articulo pa e buki “Iguanas Newfound Voices”, cu ta un publicacion tocante topiconan varia den Caribe y particularmente na Aruba, Boneiro y Curacao . E di dos presentado tawata señor Rudy Leysner cu tin mas di 30 aña di experencia den organisa y maneha actividad fisico den nos comunidad. Rudy Leysner a desaroya y profundisa su mes riba e tereno akiy ta contribui di forma profesional cu su conocemento amplio na desaroyo di movecion y salud na Aruba. . Tambe Sr. Leysner a crea un red di informacion pa Aruba riba e tereno di actividad fisico.
Programa di e anochi.
Despues di 15 minuut di presentacion di Emy Maduro den cua a enfoca riba e concepto di Movecion y Salud, e historia cu a hiba na un concepto den educacion riba movecion(gym) y tambe consecuencia pa nos muchanan y futuro di nos calidad di salud y enseñansa. E publico tawata hopi diverso y a consisti di aficionado di deporte, enseñansa, instancia di gobierno y miembro di comunidad. A bin diferente pregunta padilanti y despues a dialoga den un ambiente academico tocante movecion y salud den nos enseñansa y influencia riba nos comunidad di Aruba.
E dialogo a dura por lo menos 45 minuut y por a mira e deseo di e participantenan pa intercambia. Entre e dos charlanan e participantenan a wordo anima cu un “energizer” cu a pone e participantenan hari y test nan habilidad motorico. Despues di a goza di un pasa boca y algo pa refresca e garganta, e grupo a sigui cu e charla di sr. Leysner. Señor Leysner a enfoca riba e importancia di actividad fisico pa e diferente gruponan meta den nos comunidad. Mirando cu sr Leysner ta organisa hopi actividad pa e grupo di 40 plus, el a ilustra cuanto beneficio di salud e participantenan di e programa aki ta cosecha. Tambe el a mustra con Fundacion Movemiento Ta Bida ta ataca e problema di inactividad rond di nos isla. Por ultimo el a termina dunando 10 recomendacion pa hiba un bida mas activo y saludabel pa tur hende aki na Aruba.
Puntonan cu a sobresali durante e dialogo ta cu tin un necesidad grandi pa mas informacion riba movecion y salud, tambe mester haci investigacion riba e tereno aki pa trece un bista riba situacion actual di Aruba. Gobernantenan mester haci bon uzo di conocemento y evidencia relaciona cu movecion y salud pa tuma decision valioso y di calidad pa nos pueblo. Tin hopi interes pa continua cu e dialogo riba hopi mas tema relata cu movecion, salud y actividad fisico.
Di parti di CIDE hunto cu e team di Movecion y Salud di IPA nos kier a gradici tur cu a aporta na e anochi fructifero aki.
Si bo persona ta desea di haya informacion relata na e topico of articulo cientifico tocante estudio haci por tuma contacto cu Maximo Wernet;
Email:
This e-mail address is being protected from spam bots, you need JavaScript enabled to view it
Telefon: 5243162
Celular: 592-5940
(multithumb)
|
|
|
| Users' Comments |
|
Average user rating
 (0 vote)
|
|
Add your comment
|
