SportsAruba.com - Aruba Sports News Provider - RedMachine-Giants 11-12 ta knock out Indians-Marlins Pepsi y bai ariba den e serie mihor di tres

RedMachine-Giants 11-12 ta knock out Indians-Marlins Pepsi y bai ariba den e serie mihor di tres

on Saturday, 04 February 2012

Published in : , Baseball

Diabiernes atardi drentando anochi e muchanan di RedMachine a bini desicivo y ta tuma e prome wega comodamente ganando pa knock out cu e score di 12-0. Un wega cu a bai inning pa inning cu basta batasonan. E pitcher estelar di RedMachine cu ta Jerrick Francees a tira un bunita wega, den e principio a tira basta bola pero djei a set y a domina cu un tremendo speed, despues tawata Valentino Dirksz cu a drenta como pitcher y sera e wega. Pa e equipo di Indians tawata e pitcher Eugemar Helder cu a habri e wega, djei a sigi varios otro pitcher cu a purba para e poderio di bateo di e muchanan di RedMachine. Best Batter pa RedMachine tawata Amir Lacle 3-4, Jerrick Francees 3-3, Miguel Thiel 2-4, Mariano Decena 2-4, Denvert Werleman 3-4, Clive Croes 1-2. Pa Indians tawata tin un solo hit cu a ser conecta pa Nestor Martes. E di dos wega lo ta diasabra mainta pa 10.00 am na CBN. Tambe mester remarca cu e wega nan aki a worde transmiti via internet dor di sportsaruba.com cu e naracion unico di Sr. Frans Solognier cu ta cubri mundo henter via internet.
(multithumb)