SportsAruba.com - Aruba Sports News Provider - Flatstone Universal Trophy ta empata e serie na 2 y ta forsa un wega desisivo

Flatstone Universal Trophy ta empata e serie na 2 y ta forsa un wega desisivo

on Saturday, 04 February 2012

Published in : , Softball

Un alegria enorme di por a mira Juan Arcaya bek den auto na tereno. Diahuebs anochi riba tereno di Flatstone tabata tin e di 4 partido den e serie di best out of 5 pa asina determina campeon den A-Klas di Aruba unda e equipo cu titular campeon automaticamente lo promove pa AA den e campeonato 2012

cual lo inicia final di July. Despues cu Universal Trophy tabata invicto henter campeonato y den tur 3 round regular di campeonato a logra domina Bronx Birds den e gran final cosnan a bolter. Bronx Birds a gana e 2 promer partidonan di e serie di best out of 5. Universal Trophy sinenbargo no a baha cabez y no a entrega. Lomba contra muraya Universal Trophy a maneha pa den extra inning gana Bronx Birds 4-3 diamars ultimo pa asina bin bek den serie 2-1. Diahuebs Universal Trophy den nan cas na Flatstone perdiendo 5-3 te den di 5 inning unda Bronx Birds a cuminsa saboria e titulo di campeon faltando 6 out ora cos a bolter atrobe. Manera nan ta bisa careda di bina no ta caba tanten cu ultimo out no cay. Aparentemente un pifia den maneho momento cu Bronx Birds a baha Efraim Orman kende tabata dominando e partido y ta trese Ivan Romana kende a drenta friew. Manera nan ta bisa den papiamento criyoyo a tira gasoline den candela. Universal Trophy a start un rally y a boter e score 12-5 den mesun inning number 5 unda a bolbe trese Efraim Orman pa trata na calma e horcan Universal Trophy. Asina Universal Trophy ta empata e serie y ta forsa e wega # 5 esta e wega desisivo diabierna anochi na Kudawecha. Univesal Trophy 12 careda, 12 hit, 0 error. Bronx Birds 5 careda, 12 hit, 2 error. Pitcher ganador ta resulta Albertico “Tico” Loopstok himself kende ta bay henter e ruta pa hinka su equipo bek den e serie. Efrem Orman ta resulta pitcher perdedor. E bateria di Universal Trophy tabata Mario Kwidama 2-2, Giandrick Lacle 4-3, Adolfo Gonzalez di 3-2. Pa Bronx Birds a destaca na bate den causa perdi Candito Arias 3-3, Kenrick Arcaya 2-2 y Omar Nasser di 1-1. Finalmente ASB tabata contento di por a mira Juan Arcaya fundador di e equipo di Bronx Birds pa mas di 20 aña kende a sufri un kebrante di salud basta formal desde aña pasa pero asina mes por a tuma nota di Juancho su presencia na tereno den auto despues di hopi tempo pa moralmente sostene su equipo cu tanto e ta stima. Juancho sigi padilanti y un pronto recuperacion. Diabierna un tabla lo bula riba Kudawecha.

Users' Comments

Average user rating

(0 vote)

Add your comment

No comment posted

< Prev		Next >

Aruba International Half Marathon 2011