| on Sunday, 05 February 2012
|
Published in : , Softball |
.JPG "Flatstone Team Campeon (1).JPG")
Diabierna ultimo na veld di Kudawecha a tuma lugar un wega desisivo den categoria di A-Klas pa titulo. Manera a splika anterior cu Universal Trophy a gana su pertido diahuebs ultimo riba tereno di Flatstone
y asina a forsa un wega desisivo cual a tuma lugar su sigiente dia esta diabierna anochi na veld di Kudawecha. Dos equipo hopi bon balansa unda ningun kier a baha cabez pa otro a drenta e wega desisivo esta e wega number 5 di e serie di best out of 5. Universal Trophy ta piki 2 careda den promer inning y Bronx Birds ta reaciona y ta bin empata. Universal Trophy ta bay 4-2 ariba den di 3 inning pero Bronx Birds ta bolbe reaciona y ta empata. Den di 4 inning Universal Trophy a rally pa 7 careda y ta bay ariba 11-4 mientras Bronx Birds ta rally bek pa 5 careda y ta yega serka 11-9. Den di 6 inning Mario Kwidama ta topa un recta de Efraim Orman y ta somenta e bala tras di cura di left y despues Universal ta rally pa 3 careda mas pa asina garantisa e titulo maximo di campeon ganando 15-9 y asina ta promove automaticamente pa AA. Universal Trophy 15 careda, 13 hit, 4 error. Bronx Birds 9 careda, 11 hit, 3 error. Alvin Pereira ta gana e partido ricibiendo relevo di Tico Loopstok den di 4 inning. Ramiro Lopez ta perde e partido ricibiendo relevo di Efrem Orman den di 4 inning. Mihor bateadornan pa Universal Trophy ta Darrell Solognier 2-2, Mario Kwidama 4-3, Andrew Loopstok 5-3, Jorrick Briesen 2-1. Pa Bronx Birds a destaca den causa perdi Richard Marero 5-3, Ramon Garcia 4-2, Ever Donato 2-1. Un bunita serie hopi deportivo cu ta laga un sabor hopi postivo atras den e deporte di softball organisa cual ta cresiendo bek poko poko pero sigur. Mesun anochi directiva di ASB a reparti tur premionan di e Liga di A-Klas. Giandrick Lacle ta titula champion batter di campeonato regular cu un averahe di 542. Franny Santana ta ricibi e premio di Homerun King cu 2 cuadrangular, Albertico Tico Loopstok ta resulta Champion pitcher cu 4 gana y 0 perdi. ASB despues di a evalua profundo a saka Tico Loopstok MVP di e serie final . Tico Loopstok kende a gana e promer y di dos wega pa empata e serie y releva 3 inning den e wega crucial pa garantisa e titulo tabata hopi serka di Mario Kwidama kende a carga e equipo cu su bate batiando 2-2 diahuebs y 4-3 diabierna pero finalmente ASB a escohe Tico pa e caracteristicanan y importancia di e sacrificio di un pitcher. Tico na su turno ta traspasa e trofeo aki na Mario Kwidama cual ta un bunita gesto. Bronx Birds por medio di nieto di Juan Arcaya ta ricibi e trofeo di sub campeon. Universal Trophy den un forma festivo ta bin hunto pa ricibi Trofeo maximo di presidente di ASB hunto cu miembronan di directiva. Endy Croes ta hiba un bunita discurso y finalmente ta felicita tur dos equipo den nomber di ASB y alavez gradiciendonan pa e bunita serie cu nan a brinda e publico. Pabien Universal Trophy y pabien Bronx Birds. Softball asina ta e gran ganador!!!!
.JPG "Flatstone Team Campeon (7).JPG")
.JPG "Flatstone Team Campeon (6).JPG")
.JPG "Flatstone Team Campeon (5).JPG")
.JPG "Flatstone Team Campeon (4).JPG")
.JPG "Flatstone Team Campeon (3).JPG")
.JPG "Flatstone Team Campeon (2).JPG")
|
|
|
| Users' Comments |
|
Average user rating
 (0 vote)
|
|
Add your comment
|
.JPG "Flatstone Team Campeon (1).JPG")
.JPG "Flatstone Team Campeon (7).JPG")
.JPG "Flatstone Team Campeon (6).JPG")
.JPG "Flatstone Team Campeon (5).JPG")
.JPG "Flatstone Team Campeon (4).JPG")
.JPG "Flatstone Team Campeon (3).JPG")
.JPG "Flatstone Team Campeon (2).JPG")
