| on Sunday, 05 February 2012
|
Published in : , Futbol |
Informacion cu nos ta dispone di dje ta cu actualmente e organisacion di Dakota LIFIDA no ta pasando den su mihor momentonan. Awor cu e di dos buelta di e campeonato di futbol Lifida ta cla pa cuminsa parece cu Dakota Lifida no tin entrenador pa su seccion nan di futbol infantil.
Nos ta corda un tempo hopi hende a yuda Dakota bek, sigur despues cu e seccion di Lifida algun anja atras a perde hopi hungador. Pero awor un bez mas Dakota Lifida ta pasa den un mal momento. Esaki ta e noticia cu a cuminsa circula rond di e desaroyo di Dakota Lifida:
DAKOTA,URGENTE: Abo ta stima bo Barrio di Dakota? Bo tin Dakota tur dia na Pecho? Bo ke mira Dakota su futuro den Futbol progresa? Bo tin pasenshi y por. deal cu mucha? Bo sa ktk den deporte rey? Anto ata aki bo oportunidad!
Nos muchanan di 4 te cu 11 anya) di Dakota Lifida tin MESTER di entrenador URGENTE pa Lifida Mini Baby- Lifida Baby y Lifida A. DAKOTA LIFIDA ta cansa y a harta di ta pidi NOS mes hende di barrio pa trainer. Unico contesta cu nos ta ricibi ta:'no tin tempo','ta traha','no por', 'mucha nan no ta tende','cuanto boso ta paga?' y asina por sigi menciona. Ohala nos por tabatin e manera pa por a paga entrenador. Nos sa cu no ta nos di Dakota Lifida so ta pasa den e problema aki. Hopi Club ta orguyoso di tin Team den Divicion di Honor, y ta traha pa 'hfd klas' so y ta lubida cu sin LIFIDA, BO CLUB NO tin futuro den Divicion di Honor. Ta aki bow ta e base(fundeshi) cual tin di crese stabil pa mayan bo bisa cu bo tin team!Dakota Lifida a produci futbolista 26anya pa Aruba desde cu Lifida a inicia. Nos ta SIN trainer y ta pidi pa sikiera 1-2-3 of mas di e tantonan cu a pasa den man di Dakota Lifida yega veld atardi pa train nos mucha nan.
Si nos peticion no haya su debido atencion ni di es mas ayega cu ta nos propio barrio; Idolo, Super Stars, Dakota Team-Stars-Roma Aparicio, no ta keda nos nada otro y cu dolor den nos curazon cu pa e proximo Campeonato retira Dakota Lifida divicion nan, cu ta e fundeshi di Dakota su futuro den futbol di Aruba!
Ta facil pa cana, broma y grita Dakota Tur Dia pero NIUN hende ta saca un man pa yuda nos futuro. Dakota Lifida tin mas di 125 mucha pa 2 entrenador.
Awe kizas hopi no ta worry cu e situacion aki, pero mayan ora Dakota hunga bala den divicion Honor tur kier tin 'te zeggen'!
Awe e mucha nan mester di bo, pa mayan bo grita cu orguyo Dakota Tur dia den stadion ora nos hunga! DUNA UN MAN awor!YEGA! E futuro di Dakota ta di bo!Dicidi si nos tin futbol mayan pa Dakota tur dia!E futuro ta di bo! bc pa 1Yega!
|
|
|
| Users' Comments |
|
Average user rating
 (0 vote)
|
|
Add your comment
|
