| on Sunday, 05 February 2012
|
Published in : , Futbol |
Reunion General di Fedeveta a tuma lugar dialuna 30 januari 2012 na Shasha Restaurant na Noord pe eligi directiva nobo pa e periodo di 2012. Sr. Joy Fingal y Franklin Fingal a pone nan mes re-eligibel y sr. AmadocRosina no a postula su mes pa e anja aki debi di tantisimo trabounan
cu su persona tin den mundo farandulero. Presidente a ser eligi un biaha mas sr. Joy Fingal, mientras Franklin Fingal a keda como secretario y sr. Lando Loopstok a keda eligi como tesorero. E demas puestonan a keda como lo siguiente: Vice Presidente sr. Carlos Rubio, segundo secretario sr. Chito Jansen y segundo tesorero sr. Joy Fingal. Kascommissie a keda nombra sr. Ruben Stamper, sr. Gilbert Yarzagaray y sr. Amado Rosina. Nos ta start e anja aki dia 25 februari cu categoria 40 y su siguiente diasabra 3 maart cu categoria 50. Nos tin cu menciona cu den categoria 50 e miembronan a vota unanimamente pa loke ta salida y entrada di hungadornan durante e partido. T'asina ki cu den categoria 50 un hungador por sali y despues drenta bek cuanta biaha cu e kier pero automaticamente cu autorisacion di e refree pa baha y subi tereno. E desicion aki ta bay yuda e teamnan masha hopi mes debi cu na prome lugar tur hungador por hunga y di dos bo ta fortifica bo team ariba tereno door di laga un of dos hungador sosega un rato y despues subi bek pa asina e mesun speed di e wega por continua pa e team encuestion.
Dialuna (manjan) awor 6.2.12 e di dos y ultimo reunion ta continua na Shasha Restaurant na Noord cuminsando pa 8or p.m.
|
|
|
| Users' Comments |
|
Average user rating
 (0 vote)
|
|
Add your comment
|
