| on Monday, 06 February 2012
|
Published in : , Noticia |
.jpg)
Den e weekend di 27-29 di Januari, a tuma lugar e promer torneo di weekend organisa door di Federashon di ajedrez di Aruba.E torneo aki a wordo hunga den 3 diferente grupo. Un grupo U-12 pa hungadornan bow di 12 anja,
un grupo U-16 pa hungadornan bow di 16 anja y un “Open Group” pa hungadornan di tur edad. Den grupo U-12 a participa 8 hungador. Den U-16 a participa 4 hungador y den e “Open” Group 5 hungador. Participashon tawata hopi abow. Door cu nos no tawata sa e localidad exacto unda e torneo aki lo bay tuma lugar, varios mucha a wordo informa mucho laat di e actividad aki, y otro muchanan cu si a wordo avisa no por ta presente door di otro ocupashon den e weekend ey.Asina mes tawata tin partidanan masha bunita y interesante.Den e grupo mas jong, U-12, Brian Diaz a bira kampion cu 7 punto for di 7 partido. E hoben Brian prakticamente no tawata tin resistencia den su grupo. Na di dos lugar tawata tin un empate entre Michael Angelo Celestijn y Thijn Hoogendam. Michael Angelo a gana hungadornan mas fuerte (mas punto SB), y asina a termina na segundo lugar. E grupo U-16 y Open a wordo hunga den un solo grupo. Hungadornan cu a inscribi nan mes den e U-16 lo haja na final un premio separa y hungadornan cu a inscirbi nan mes den e Open Group tambe lo haja nan premio separa. Asina nos por remarka cu e hoben Mark Bueno cu tin solamente 13 anja, a inscirbi su mes pa e “Open Group” y a competi pues pa un posishon den e “Open Group”. Ganador absoluto den e grupo mixto di “Open U-16” a bira Jose (Chelo) Pesqueira. Chelo a score 4 ½ punto for di 5 partido. Na di dos lugar a keda Octavio Croes cu a score 3 ½ punto for di 5.
Na tercer lugar tawata tin un empate entre 2 hobennan Mark Bueno y Juan Pablo de Mey. Nan tur dos a score 3 punto for di 5. Mark tawata tin contrincante mas duro y a termina na tercer lugar.
Den e hungadornan cu a participa den U-16, e hoben Jomar Benschop a bay cu e promer lugar cu un score di 2 ½ punto for di 5 punto. Angel a keda na segundo lugar cu tambe 2 ½ punto for di 5, pero a topa hungadornan cu a score menos punto y na tercer lugar a keda Maria Paula de Mey cu 2 punto for di 5 wega.
.jpg)
|
|
|
| Users' Comments |
|
Average user rating
 (0 vote)
|
|
Add your comment
|
