| on Monday, 06 February 2012
|
Published in : , Noticia |
Diahuebs ultimo a tuma lugar e tercer rond di kampionato di club pa anja 2012.Mientras tanto nos tin awor 15 participante den e kampionato aki. Na promer borchi, e hoben Mark Bueno mester a enfrenta Juste Lopez.
Juste tawata mas fuerte y a gana su partida. Na mesa 2, Jose (Chelo) Pesqueira a enfrenta Octavio Croes. Chelo a gana e encuentro aki. Mesa 3, e hoben Osh Lopez a hunga contra Ahmid Juddan. Osh ta mas fuerte y a gana su partida tambe. Paul Bouts a enfrenta e hoben Angel Centeno. Veterano Paul a gana e encuentro aky y Ricky Croes a haja chens di lanza un ataque decisivo contra Daniel Diaz (senjor), pero a vasila pa warda un mihor oportunidad. Daniel no a duna mas oportunidad y e mes a lanza e ataque decisivo y a gana e partido. Quintin v/d Seijp y Alvin Howell a haja nan wega regala door cu nan contrincantenan (Enrique y Hernan) no a show up. Despues di 3 rond, nos ta haja solamente 2 persona cu tur wega gana. Nan ta Juste Lopez y Jose (Chelo) Pesqueira.Na tercer lugar nos ta haja Osh Lopez cu 2 ½ punto. cu 2 punto ta sigui, Quintin v/d Seijp, Alvin Howell y Mark Bueno. Diahuebs awor dia 9 di Februari pa exactamente 08:00pm, e di cuatro rond ta wordo hunga. Lo enfrenta otro: Juste Lopez contra Chelo Pesqueira, Alvin Howell contra Osh Lopez, Quintin v/d Seijp contra Mark Bueno, Octavio Croes contra Daniel Diaz, Enrique Jacopucci contra Paul Bouts, Ahmid Juddan contra Rigoberto Tromp y Angel Centeno contra Ricky Croes.
Tur e weganan lo wordo hunga den nos clubgebouw na Nieuwstraat 11.
|
|
|
| Users' Comments |
|
Average user rating
 (0 vote)
|
|
Add your comment
|
