| on Wednesday, 08 February 2012
|
Published in : , Softball |
Diamars anochi weganan di Playoff den liga femenino di Aruba Softball Bond a inicia riba neld di Kudawecha. Tambe mesun anochi a inicia e serie di best out of 3 entre e sub campeon di A-Klas vs e equipo cu e resulta na di 6 lugar den categoria AA
y ganador di e serie aki sea ta subi pa AA of ta permanese den AA. Aruba Softball Bond a introduce e systema aki cu aprobacion di su miembronan . Den promer partido e equipo di Jaguars kendenan dado momento tabata gana comodamente 10-3 mester a traha extra duro pa den ultimo inning logra un victoria. Un wega cual a dura 2 ora y 30 minuut esta un wega maratonico pero finalmente Jaguars ta coy e bentaha y ta pika ariba 1-0 den e best out of 3. Jaguars 13 careda, 10 hit, 2 error. Ling & Sons 12 careda, 5 hit, 4 error. Melissah Daniel ta habri y ta wordo releva pa Zulaika Peņa den di 5 entrada unda Zulaika Peņa ta bay cu e victoria riba su nomber. Rebecca Irausquin ta inicia pa Ling & Sons y den di 3 inning ta wordo releva pa Ludmila Geerman kende finalmente ta resulta e pitcher perdedor. Mihor bateadornan pa jaguars ta Cathleen Geerman 4-3, Zulaika Peņa 3-2. Pa Ling & Sons a destaca den causa perdi Mijola Wever 1-1, Ludmila Geerman di 5-2. Den e di dos wega Blue Stars Plus Accountant ta refuse pa degrada y tab aha duro contra Bronx Birds den e weganan di promocion y degradacion. Ricky Salchicha henriquez ta re aparese riba line up di Blue Stars y ta tira un tremendo partido pa juda su equipo den e lucha pa keda AA. Di otro banda Efrem Orman ta trata todo por todo pero no por a concretisa un victoria. Blue Stars Plus Accountant 8 careda, 9 hit, 3 error. Bronx Birds 1 careda, 6 hit, 8 error cual tabata desastroso. Mihor bateadornan pa Blue Stars ta Carl Yarzagaray y Juan Luis Colome di 4-2, Urvin Paesh 2-1. Pa Bronx Birds a destaca na plato Ramiro Lopez di 2-1. Weganan ta continua diabierna awor riba veld di Kudawecha unda pa 715pm Blue Stars Plus Accountant lo enfrenta Bronx Birds den nan di dos wega mientras cu pa 9pm Montaņa Braves lo topa Gess Power den nan segundo wega din an serie di best out of 3. Fanaticada yega tereno y disfruta di tremendo partidonan di softball fastpitch.
|
|
|
| Users' Comments |
|
Average user rating
 (0 vote)
|
|
Add your comment
|
