| on Sunday, 12 February 2012
|
Published in : , Softball |
![Montanja Braves Angelo Web tokando 2012[1].JPG](http://www.sportsaruba.com/mambots/content/multithumb/thumbs/b.150.0.16777215.0..stories.noticia.2012.Jan.13 y 14 jan.Montanja Braves Angelo Web tokando 2012[1].JPG "Montanja Braves Angelo Web tokando 2012[1].JPG")
Diabierna anochi riba veld di Kudawecha playoff semi final di Aruba Softball Bond a continua. Diaranson ultimo Montaņa Braves a laga Gess Power den tereno ganando 7-6 den bom di 7 inning y asina ta pika dilanti 1-0 den e serie di best out of 3.
Gess Power a drenta wega diabierna lomba contra muraya y tabata tin mester di un victoria pa por extende e serie. E muchanan di Fico Albertsz a bin cu otro idea y cu un victoria lo garantisa nan sigur sub campeon pa di dos aņa consecutivo y lo bay enfrenta e fuerte equipo di Royal Power pa asina determina kende lo conkista e titulo maximo di campeonato 2011 cual ta yegando su final. Montaņa Braves ta pika bay ariba den promer inning 1-0 pero Gess Power ta reaciona y ta empata pa despues bay ariba 2-1. Montaņa Braves ta rally mas laat den wega pa 3 careda y ta bolter e score 4-2 y asina tambe ta elimina Gess Power ganando e serie 2-0. Montaņa Braves 4 careda, 8 hit, 2 error. Gess Power 2 careda, 3 hit, 2 error. Mihor bateadornan pa Montaņa Braves tabata Rudy Angela 2-2, Angelo Webb 4-2 y Jayson Orman di 3-1 cual porcierto tabata un batazo cu a pika riba liņa di left y bay habri den profundidad di e parke unda Jayson Orman cu su speed a pasa un pasa te home pa un homerun inside the park. Pa Gess Power a bati e unico 3 hitnan Jorge Wouters 4-2, Sherman Marlin di 3-1. Gess por mira atras di a bataya pero a keda un poko cortico y sigur Gess tin awor algun peloteronan joung den team unda den proximo campeonato cual lo inicia final di July 2012 mester bay tene debido cuenta cu e equipo aki. Arjen Mathilda ta perde e partido ricibiendo relevo di Antonio “Tony” still going strong Warner den di 5 inning. Di otrobanda Carlos Croes ta bay henter e ruta pa asina pone e di dos victoria den 3 dia riba su nomber. Momento cu Carlos a a saka e ultimo out den bom di 7 inning Montaņa Braves su dug out a bira bashi y e fiesta grandi a inicia riba tereno. Den tur e bululu festivo aki presidente di Montaņa Braves amigo Fico a core subi tereno bulando di alegria den su uniform pero posiblemente el a lubida cu el a caba di presta Jonathan Tromp su faha di uniform un rato anterior. Ata e carson te na rudia pero mesora e miembronan di su equipo a nota esaki y a rondona Fico y a escolte bek pa dug out. Unico cos por a nota tabata un carsonsiyo tur na curason. Kisas esaki lo mester tin di haber cu Valentines day cual ta diamars awor. Diamars awor weganan lo continua unda pa 715pm Jaguars lo enfrenta Ling & Sons den nan di dos partido di nan serie di best out of 3 y pa 9pm un tabla lo bula na Kudawecha momento cu Bronx Birds lo enfrenta Blue Stars Plus Accountants den nan wega desisivo di un pa tera y un pa lama.
|
|
|
| Users' Comments |
|
Average user rating
 (0 vote)
|
|
Add your comment
|
![Montanja Braves Angelo Web tokando 2012[1].JPG](http://www.sportsaruba.com/mambots/content/multithumb/images/b.600.0.0.1..stories.noticia.2012.Jan.13 y 14 jan.Montanja Braves Angelo Web tokando 2012[1].JPG "Montanja Braves Angelo Web tokando 2012[1].JPG")
