Weekend cu a pasa tabata tin un comoshon enorme na e “take it or leave it place” na Saliņa Serca, esta JJ Snack!!! Den un mamamento di gai siman pas Jossy “de sluwe vos” Kelly a challenge un grupo di cliente Americano ariba un best of 5 den billiard pa un “round treat”!!!

Fanatico nan presente tabata puntra dikon e mericano nan tabata yama Jossy pa “alligator arms” ……ta te despues a bin compronde cu un di e Americanonan tin 8 aņa ta bin Aruba sin nunca haya un treat for di Jossy…… y e kermen cu Jossy mester tin brasa di alligator pasobra esakinan ta asina cortico cu nunca nan no ta yega su cartera y saca placa pa manda un treat!!!

Pero despues di hopi chuerchemento, e bataya a cuminsa diadomingo merdia pa 1:30 PM!! Jossy “Alligator Arms” Kelly vs RC “Homeless American” di Wisconsin!!! RC ta habri pata pata di colio y Jaws Kelly ta probecha y ta habri marcador cu 1-0!!!

Pero RC, e “homeless Americano” ta recupera y ta pasa varios simpatisante di Jossy un clisteeeee ora cu den un tremendo come back e tad al Jossy pa iguala na 1-1!!

Jossy de sluwe vos ta pensa ariba fama y den un tremendo wega strategico ta gana RC pa pica dilanti cu 2-1!!! Den di 4 wega, RC ta hasi poco decision nan tactico sumamente importante cu ta pone Jossy lomba contra muraya!!! Jossy ta tira e bola 8 den pocket robes y alavez ta scratch pa asina RC logra milagrosamente empata e wega na 2-2!!!!

Aki a cuminsa un bataya strategico di “bati stoel” pa wak ken ta domina otro y den un momento sumament nervioso RC ta hasi un fout crucial ….. Jossy ta subi “cayente pa caba cos” y tambe ta comete un pifia ariba su cue bal!!! RC ta manera Lazarus cu ta resusita y ta bin pa remata co' bay perde pero ta bati bola 8!! Fanaticada di Jossy ta bula lanta apoya Jossy manera hende cu a haya placa bek di belasting, pero net na e ultimo momento Jossy ta sufri un ataque di Colio!!!! E bola 8 ta keda “short” y aki RC, cu tabata kla pa muri di un hart attack, ta bula lanta for di morto y den un euphoria absolute ta “drill” e bola 8 den Jossy su puntje-puntje-puntje….

Ora cu tur presente a spera di haya Jossy cumpli cu su bet y manda un rond treat…..ta resulta cu Jossy a subi su auto Mach 5 y a desaparese estilo meteoro….. J

+++

Average user rating

   (0 vote)