| on Wednesday, 07 March 2012
|
Published in : , Noticia |
.jpg "CPB Schaken11 (5).jpg")
Diadomingo awor lo sali rumbo pa Guayaquil, Ecuador 4 hungador di ajedrez di Aruba. Nan ta Octavio Croes, Osh Lopez, Juan Pablo de Mey y Mark Bueno. Nan cuatro lo participa den un torneo di ajedrez subzonal. Subzonal ta e promer cycle pa e kampeon mundial.
Ganadornan di e subzonal lo pasa over pa e zonal cu lo tuma lugar mas laat den anja. E torneo subzonal lo start dialuna dia 5 di Maart y lo dura te cu dia 12 di Maart. Un total di 9 round lo wordo hunga unda tin dia 2 partida ta wordo hunga riba un dia. Hungadornan cu por participa na e subzonal aki, ta hungadornan di nos mar caribe, Venezuela, Colombia, Ecuador, Peru, Suriname Guyana y paisnan den America Central. E hungadornan cu termina na e promer 4 lugarnan ta haja e derecho pa participa na e zonal. E promer hungador cu score 66.7% of mas ta haja e titulo di Maestro International (IM). E promer dos hungadornan cu score 50% of mas ta haja e titulo di Fide Master (FM). Actualmente Aruba no tin ningun hungador cu un titulo di IM of FM. E unico titulo cu nos tin aki na Aruba ta di Candidate Master (CM). Esaki ta e oportunidad pa Aruba haja su promer hungador cu e titulo di FM. Pa mas informacion tocante e torneo subzonal aki, por bishita e website http://www.fideamerica.com.
|
|
|
| Users' Comments |
|
Average user rating
 (0 vote)
|
|
Add your comment
|
.jpg "CPB Schaken11 (5).jpg")
