![Jemal[1].jpg](http://www.sportsaruba.com/mambots/content/multithumb/thumbs/b.150.0.16777215.0..stories.noticia.2012.April.5april.Jemal[1].jpg "Jemal[1].jpg")
Poco tempo pasa 4 landador di Aruba a participa den e Campeonato grandi di US Swimming na Orlando Florida. E campeonato aki ta un competencia di categoria Open pa e mihor landadornan di region sur di Estados Unidos.
Alabes e tabata un competencia official di FINA pa opportunidad pa qualifica pa e Weganan Olympico cu lo tuma lugar na London, e anja aki. Mas cu 1200 landador a participa bou nan algun nomber grandi den mundo di e deporte di landamento manera e campeon mundial Ryan Lochte, Ariana Kukors, Peter van der Kaay, y Amanda Weir. Allyson Ponson, Aruba su atleta di anja 2011 Daniella van den Berg, atleta feminine hubenil di anja 2011, Jemal Le Grand y Jordy Groters tabata e landadornan Arubiano cu a qualifica pa e competencia y durante 3 dia a compete duro cada mainta pa yega un di e finalnan anochi. Tur evento tabata tin 4 final, A & B finale di e mihor 16 atletanan di mainta y C & D final tawata solamenete pa landadornan bouw di 18 anja cu a cai den position 17 bai ariba. US Swimming ta hasi esaki pa duna e landadornan hoben di nivel halto mas opportunidad. E promer dia Ally Ponson, Daniella van den Berg y Jemal Le Grand tabata tin 200 vrijeslag ariba programa. Ally a logra kwalifica pa Final C den cua e a mehora su tempo y a kibra e record Arubano pa su categoria y e record absolute di Aruba. Jordy Groters su evento e promer dia tabata 100 schoolslag y 400 wisselslag. Kwalificando pa final den tur dos evento, anochi Jordy a kibra record di su categoria den 100 schoolslag terminando na di 14 lugar. E sigiente dia Ally y Jemal a landa 100 vrijeslag. Mirando e desaroyo di Ally, no tabata un sorpresa cu atrobe, Ally a logra di mehora su tempo durante e final. Ally a logra touch muraja na di 10 lugar cu un tempo record pa Aruba, Ally ta e promer landador femenino di Aruba cu ta a kibra e 59:00 seconde den un 100m. Daniella a kwalifica pa final den 400 vrijeslag y landando un careda sublime den un tempo record pa categoria y absoluto di Aruba. Jordy a landa 200m wisselslag kwalificando pa final pero no por a mehora su tempo. Ultimo dia di competencia tabata Ally y Jemal nan evento prefer e 50m vrijeslag. E 50m ta basta dificil pa mehora, door cu e ta un evento kortiko y hopi rapido, cualkier error chikito di parti di e atleta y e lo port a obvio den e tempo. Ambos Ally y Jemal a pasa pa finalnan di anochi. Ally tabata den e A final, e unico apperencia di nos atletanan den un A final. Na final di e careda Ally no a mehora su tempo den 50m pero a yega muraja na di 6 lugar. Un puesto masha bunita sabiendo cu ta casi 200 atleta femenino a participa den e evento ey. Pa Daniella 800 Vrijeslag tabata ariba programma. Como cu e ta un distancia largo e evento aki ta wordo landa solamente un biaha. Daniella atrobe a mehora su tempo y a pone otro record pa su categoria y tambe esun Absoluto di Aruba ariba su nomber. Jordy su ultimo evento tabata 200 schoolslag den cual e a pasa pa final y a landa un record Arubano nobo pa su categoria.
Ally, Daniella, Jemal y Jordy tur cuarter ta entrenando pa representa Aruba den competencianan Internacional. Mirando e resultadonan den e competencia aki ta hopi positivo pa e nivel landamento di nos pais. Nan ta hopi hoben ainda pa e deporte di landamento y sin an sigi entrena y desaroya cu e motivacion cu nan tin awor aki, sigur nos lo por tende hopi din an ariba nivel internacional pronto.
|
|
|
| Users' Comments |
|
Average user rating
 (0 vote)
|
|
Add your comment
|
![Jemal[1].jpg](http://www.sportsaruba.com/mambots/content/multithumb/images/b.600.0.0.1..stories.noticia.2012.April.5april.Jemal[1].jpg "Jemal[1].jpg")
