| on Friday, 13 April 2012
|
Published in : , Cycling |
.jpg "Zaithyel (1).jpg")
Den weekend di 30 di maart pa 1 di april a tuma lugar e ‘opening round UCI BMX Super Cross World Cup’ na Chula Vista, California. Esaki a wordo combina cu e ‘USA Cycling BMX National Championships’ pa start e anja Olimpico. Esaki tawata un evento magno caminda miles di coredornan a asisti.
Di e tres dia di caredanan aki, Zaithyel por a core 2 careda riba diavierna y diadomingo. Diasabra 31 di maart tawata e careda oficial pa sera e selecion Americano den tur categoria pa wak kendenan ta hanja e jersey ‘star and stripes’ pa representa Merca den e Mundial di Birmingham, Inglatera. E careda aki a tuma lugar na e U.S Olympic Center. Fuera cu Zaithyel a competi den dos careda, tambe e la hanja e oportunidad di yega na e U.S. Olympic Center pa wak e proceso di competencia pa selecion di e pais. Den e caredanan cu e la core, dignamente e la representa su team Mericano “Team Redline/Monster”. Diavierna Zaithyel a core dos categoria y a resulta campeon den e ‘Open Class 13-14 yrs’ y sub-campeon den ‘Expert 14 yrs’. Diadomingo Zaithyel den mesun dos categoria e la gana e titulonan maximo di campeon. Den tur dos categoria pa e dianan di caredanan aki a inscribi alrededor di 40 coredor! Un competencia sumamente duro y mas cu claro di nivel mundial. Zaithyel a competi contra ‘the best of the best’, mirando cu pa anjas caba esakinan ta e contrincantenan Americano cu ta den final na Mundialnan di BMX. Pa Redline nomber di Zaithyel ta uno cu no por keda afo den nan resumen di caredanan. Por lesa esaki riba www.bmxmania.com den e articulo di “Redline ‘Girl Power” leads the way in Chula Vista”.
Zaithyel a cuminsa e anja 2012 sumamente exitoso den su preparacion pa e Mundial cu lo tuma lugar na Birmingham, Inglatera na luna di mei venidero. Te cu awor e ta den e topnan di e coredornan Mericano den su categoria. Recoriendo e trayectoria di e anja aki nos ta corda cu den e weekend di 10 di februari e la competi den e caredanan di ‘USA BMX Gator Nationals’ na Oldsmar, Florida unda e la conquista dos titulo di campeon den categoria Expert 14 yrs. E la competi cu alrededor di 35 participante. Pa hanja un impresion di e papel cu Zaithyel a hasi na e careda aki por bai riba e website di www.bmxnews.com na http://www.bmxnews.com/2012/02/a-dozen-questions-on-the-usa-bmx-gator-nationals/ bou e artikel “Who are the hot ams shaping up to be for 2012?. E ta un sensacion enorme pa lesa e articulo aki y pa wak kiko Zaithyel ta hasi den exterior. Unico cos cu ta di lamenta cu hopi no sa cu Zaithyel TA di Aruba. Na Merca ta wordo specula cu e ta di Aruba o di Florida. Pa wak mas comentarionan por bishita e bmx forum www.vintagebmx.com na http://www.vintagebmx.com/community/index.php?showtopic=27060345&st=105
Den e weekend di 4 di maart Zaithyel a bula pa nos hermana isla Corsow pa e caredanan di ‘Nature’s Valley BMX Race 2012’ caminda e la core den dos categoria, ‘Expert 14 yrs’ y ‘Open Class 11-14 yrs’. Zaithyel a titula ‘campeon’ den tur dos categoria.
Dos siman despues e la sali rumbo Desoto, Texas den e weekend di 16 di maart pa e ‘ABA Super Nationals 2012 UCI Pro Serie’. Aki Zaithyel a core un total di tres dia den dos diferente categoria di cual e tin 3 titulonan di campeon, 1 di sub-campeon, 1 di 7 puesto y 1 di 8 puesto. E careda di Desoto tawata uno di “do or die” pa Zaithyel caminda e la hasi un impacto hopi grandi bou di coredornan, teamnan y publico. El a wordo hopi comenta, hopi tawata esnan cu twt puntra ken e ta y di unda e ta bin. Diferente team a aserke pa e forma parti di nan team y a a wordo aserca pa entrevista y photoshoot pa actividadnan promocional.
Un pabien na Zaithyel pa e logronan grandi te cu awor. Pa e diferente caredanan por mira video riba facebook page di BMX Aruba.
|
|
|
.jpg "Zaithyel (1).jpg")
(0 vote)