SportsAruba.com - Aruba Sports News Provider - Aruba a subi te na di 4 lugar despues di tres dia di CARIFTA Swimming Championship

Aruba a subi te na di 4 lugar despues di tres dia di CARIFTA Swimming Championship

on Sunday, 15 April 2012

Published in : , Noticia

Diasabra ariba e di tres dia, un total di 4 oro, 3 plata y 6 bronze a ser logra pa nos landadornan cu ta compitiendo den e CARIFTA Swimming Championship 2012 teni na e isla di Bahamas.

Cu e logro di diasabra, e seleccion di Aruba ta posiciona su mes firme na di cuater lugar den e stading despues di tres da di competencia faltando e ultimo dia cu ta diadomingo. E hoben arubano, Jordy Groters, un bez mas ta logra otro medaya di Oro pa Aruba e biaha aki den e 200 Wisselslag, esaki tabata un record nobo pa Aruba den categoria y absoluto.
Mas medaya di oro a bini di Mikel Schreuders, cu a logra Oro den e 200 Wisselslag, mientras cu Aruba su atleta di anja 2011 esta Ally Ponson, a logra medaya di Oro den e 100 vrijeslag. E equipo di Estafette 13-14 mucha homber: Raigel Hoen, Tyreke Wernet, Edward Mulder y Mikel Schreuders, tambe a logra medaya di Oro esaki den e 4 x 200 vrijeslag estafette, Record Arubano nobo di categoria. E hobencita Keeley Maduro, a logra medaya di plata den e 200 Wisselslag, mescos cu George den Dunne, kende tambe a logra medaya di plata den e 50 schoolslag. Estafette 13-14 muchamuher: Rebecca Maduro, Andrea van den Berg, Sue-Gin Arends, Ginayla Arends, a gana medaya di plata den e 4 x 200 vrijeslag estafette, mientras Jemal Le Grand a logra medaya di bronze den e 100 vrijeslag, record Arubano nobo pa categoria. Jordy Groters, un bez mas a logra medaya e biaha aki uno di bronze den e 50 schoolslag, record Arubano nobo di categoria. Otronan cu e logra medaya di bronz pa Aruba tabata Junice Martin, bronze 200 Wisselslag, Anahi Schreuders, bronze, 50 schoolslag, Mikel Schreuders, bronze, 50 schoolslag y Estafette 15-17 muchahomber: Jemal Le Grand, Marc Willems, Renze Postma, Jordy Groters 4 x 200 vrijeslag Bronze
(multithumb)

Users' Comments

Average user rating

(0 vote)

Add your comment

No comment posted

< Prev		Next >

Aruba International Half Marathon 2011