| 
CPB LING & SONS Campeon Liga Superior, Cedric Benito MVP y Yubi Heemstadt Topscorer PDF Print E-mail
Monday, 16 April 2012

DSC_0635.JPG
Diasabra ultimo, riba cancha di Aruba Juniors, a tuma luga e di 3 wega di e serie final best out of five di e divicion Liga Superior di Aruba Basketball Bond entre CPB Ling & Sons y De Vuyst Impact. CPB Ling & Sons tabata ariba 2-0 den e serie y tabata favorito pa gana e titulo campeonil.

De Vuyst di otro banda a bin cu e pensamento pa prolonga e serie y forza un di 4 wega. Asina nan ta sali fuerte cu un wega riba hopi velocidad. Ruben Vrolijk tabata hot den e prome quarter y ta zorg pa 13 punto. Tabata mustra cu e weg alo wordo dicidi den e prome quarter pero De Vuyst no a probecha di e oportunidad cu nan a hanya di e defensa di Ling & Sons y ta habri caminda pa UB and company trese e score na 9 punto na final di e quarter. E prome Quarter a termina 25-16 na favor di De Vuyst. Den e di dos quarter cos ta bolter formal unda CPB ta marca Reuben fuerte y ta limite na 2 punto den e quarter. Consecuencia di esaki ta cu e produccion di De Vuyst a cai completo. Cedric Benito ta score 9 pa CPB den e quarter aki cu ta bira all CPB. Nan ta sera e gap na half te na dos punto. Sosiego ta bai aden 39-37 keto bai na favor di Impact. Headcoach di CPB Ashiko Martinus no por tabata presente y ta manda Winston Ahlip pa coach e wega. Winston ta duna e team animo chino y nan ta sali for di kleedkamer dicidi pa celebra campeon. CPB ta anota 24 y 25 punto den di 3 y 4 quarter respectivamente y ta habri e wega for di otro. Den e ultimo quarter De Vuyst ta purba bin bek pero Cedric “MVP” Benito ta step-up y ta sink 12 punto pa sigura e victoria . E score final a bira 86-71 na favor di CPB Ling & Sons. Topscorer pa e ganadornan tabata Cedric Benito 24, Hubert Heemstadt 23 y Wilfrido Heemstadt 10. Pa De Vuyst Reuben Vrolijk, Clive Gario y Glennert Gibson tabatin 22, 13 y 12 punto respectivamente. Asina CPB Ling & Sons ta bira campeon di Basketball di Aruba den Liga Superior. Topscorer di campeonato a sali Hubert Heemstadt cu 21 punto pa wega, mientras cu e MVP di e campeonato a resulta Cedric Benito, ambos hungador di CPB Ling & Sons.  
(multithumb)
gallery1gallery1gallery1
 
 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event