![BLVD 2010 (29)[1].JPG](http://www.sportsaruba.com/mambots/content/multithumb/thumbs/b.150.0.16777215.0..stories.noticia.2012.April.25april.BLVD 2010 (29)[1].JPG "BLVD 2010 (29)[1].JPG")
Inscripcion ta habri y e intuciasmo ta grandi pa loke ta trata e di 52 edicion di 10 K International Boulevard Race. ARRUWAC ta invita tur coredo pero tambe canado pa bin inscribi mas pronto posibel mirando cu e aņa aki ta solamente 450 parisipante por inscribi.
E careda aki ta start na L.G. Smith Blvd, den area di Malmok y ta bin termina den parking lot di Aruba Ports Authority. For di 4 or di atardi ta cuminsa check in na start. Pa esnan cu a hasi uso di e online registration ta ricibi nan number ora di check in na start. Pa e partisipantenan cu ta desea di laga nan auto na finish trempan lo tin bus disponibel na finish pa transporta partisipante aki pa start. E busnan aki ta presente for di 3.30 y ta sali pa exactamente 4or di atardi for di Aruba Ports Authorithy. Inscripcion ta habri te diabierna 27 di april na IDEFRE entre 7.30 di mainta y 12 di merdia y for di 1or di merdia pa 4.30 di atardi. Por inscribi tambe te cu diasabra 28 di april na Runners Aruba cu ta situa na Middenweg # 3, net patras di Aruba Bank den caya grandi for di 9or di mainta te cu 6or di atardi di dialuna pa diasabra. Inscripcion ta costa solamente 20 florin y na final tur partisipante cu a core of cana ta ricibi nan medaya di partisipacion y un bunita t-shirt como recuerdo di e gran evento aki. Na final lo tin un banda musical pa trece un ambiente festivo y lo tin un bar cu cushina bon surti. Pa e ganadornan absoluto den dama y cabayero ta bai tin premio en efectivo di 1000 florin pa e prome lugar dama y cabayero, 750 florin pa e segundo lugar dama y cabayero y 500 florin pa e tercer lugar dama y cabayero. Premiacion pa e coredornan lo ta den e siguiente categoria:
Cabayero: Dama
14-19 aņa 3 premio 14-19 aņa 3 premio
20-29 aņa 5 premio 20-29 aņa 5 premio
30-39 aņa 5 premio 30-39 aņa 5 premio
40-44 aņa 3 premio 40-49 aņa 3 premio
45-49 aņa 3 premio 50+ 3 premio
50-54 aņa 3 premio
55-59 aņa 3 premio
60+ 3 premio
|
|
|
| Users' Comments |
|
Average user rating
 (0 vote)
|
|
Add your comment
|
![BLVD 2010 (29)[1].JPG](http://www.sportsaruba.com/mambots/content/multithumb/images/b.600.0.0.1..stories.noticia.2012.April.25april.BLVD 2010 (29)[1].JPG "BLVD 2010 (29)[1].JPG")
