| on Friday, 27 April 2012
|
Published in : , Futbol |
![Bubali Jr pic at Britannia1[1].jpg](http://www.sportsaruba.com/mambots/content/multithumb/thumbs/b.150.0.16777215.0..stories.noticia.2012.April.27april.Bubali Jr pic at Britannia1[1].jpg "Bubali Jr pic at Britannia1[1].jpg")
E promer buelta di e campeonato di Futbol categoria Junioren ta termina, y Bubali ta logra su di 4 victoria sigui ora cu nan ta bai Piedra Plat y ta gana e Campeon Defensor, SV Britannia, cu score di 2-0. Un Victoria sigur cu no a bin facil pero cu e muchanan di Bubali a sa di bringa te final pa logra bin Noord cu e 3 punto nan.
E golnan a ser anota pa Sebastian Montoya y Mark “Smiley” Melrose. Cu e Victoria aki e team di Bubali junior ta sera 15 punto. Despues di un mal comienso caminda nan ta perdi wega nan consecutivo na man di Deportivo Nacional y RCA, e Orguyonan di Noord ta bin logra 4 victoria consecutivo. Bubali ta gana Arsenal 2-1 den Frans Figaroa, pa despues bai Santa Cruz y gana Estrella 2-0. E siman despues ta bai Dakota caminda nunca nan a gana y ta logra vence e Amarillo nan di Dakota 3-1. E racha ta sigui ora cu Bubali ta bai Piedra Plat y ta gana Britannia 2-0. Junto cu esaki ta bin aserca un wega gana pa default ora cu Caravel no ta presenta pa sera 5 victoria den 7 wega. E schedule pa e segunda buelta no a Sali ainda, pero mayoria di wega lo ta na cas. Tur wega di Junioren ta wordu junga ariba dialuna atardi, pues keda pendiente y sigui e team di Bubali riba facebook pa mas informacion. Diadumingo awor e team di Division di Honor di Bubali lo topa RCA den un wega crucial pa e Orguyonan di Noord. Bubali ta bringando cu Estrella pa e cuarto y ultimo plaza cu tin habri ainda pa drenta play off. Esey kiermeen cu Bubali lo mester Sali junga un di su mihor weganan, esey si e kier gana RCA. Un invitashon ta bai pa e fanaticada di Bubali pa bin duna apoyo na e Orguyonan di Noord den nan lucha pa e clasificashon. E campo di bataya lo ta Compleho Deportivo Guillermo Trinidad na playa y bala ta cuminsa lora pa 7 or di anochi. Mustra bo colornan y bin na berde cu blanco. Bubal Yega !
|
|
|
| Users' Comments |
|
Average user rating
 (0 vote)
|
|
Add your comment
|
![Bubali Jr pic at Britannia1[1].jpg](http://www.sportsaruba.com/mambots/content/multithumb/images/b.600.0.0.1..stories.noticia.2012.April.27april.Bubali Jr pic at Britannia1[1].jpg "Bubali Jr pic at Britannia1[1].jpg")
