| on Monday, 17 March 2008
|
Published in : , Futbol |
Diasabra atardi pa 5or e Torneo Internacional di “Himno Y Bandera 2008 a continua cu un bunita desfile di tur e Paisnan participante. Click den Gallery pa mas di 200 potret !!!
Despues cu Presidente di Aruba Voetbal Bond Sr. Rufo Kelly, di ASU Sr. Gerald Franca y Sr. Beukenboom di IDEFRE ta saca e prome bala di e Torneo. Despues a continua cu e partido entre Venezuela y Curacao. Venezuela cu mainta a gana for di Colombia cu score di 1-0 ta bin ta empata contra Curacao cu score di 1-1. Den di dos partido pa 7:30pm Colombia ta bin fuerte contra Bonaire y ta gana facilmente cu score 5-0 for di Bonaire. Awe Diadomingo mainta pa 9or Aruba a enfrenta Colombia y Aruba ta gana facilmente cu score 4-0 for di Colombia.E golnan di Aruba a wordo anota pa Derrick Kock(2),Owen van der Wijne(1) y Albert Arends(1). Derrick Kock ya tin tres gol anota pa Aruba.Den segundo partido Curacao a topa hermana Isla Bonaire. Curacao ta gana facilmente cu score di 6-0 for di Bonaire. Cu e perdida aki Bonaire tin tres partido perdi. Den tercer partido Bonaire ta perde for di Venezuela cu score di 1-5. Bonaire tin tur wega perdi y anota solamente un gol.Den ultimo partido Aruba a enfrenta Curacao y si Aruba gana nos lo a clasifica como prome ekipo, lamentabelmente nos muchanan a perde 4 -0 for di Curacao. Curacao cu ta hinca dos gol den prome mitar y den segundo mitar. Aruba cu no por a penetra e door di e Defensa di Curacao no tabata pone suficiente pression. E muchanan di Curacao tabata hunga un futbol agresivo ariba e bala y a domina Aruba su muchanan henter e partido. Awor Aruba tin cu gana for di Venezuela awenochi pa 7:30pm den Compleho deportivo Guillermo Trinidad.
|
|
|
| Users' Comments |
|
Average user rating
 (0 vote)
|
|
Add your comment
|
.JPG "AUAvsCurfutbol (17).JPG")
