Aruba Amateur Weightlifting Association a tene nan Torneo di Anja di La Reina di hisamento di peso. Esaki a tuma lugar den Compleho Deportivo Frans Figaroa na Noord. Den e torneo aki varios hisadornan a sali como ganador den nan categoría.
Den categoria di senior John Henriquez ta bira e ganador absoluto cu un total di 255kg, segundo lugar a bai pa Darvin Raphaela cu un total di 215kg, tercer lugar a bai pa Patrick Vrolijk cu un total di 220kg y cuatro lugar a bai pa Juan Carlos Hurtado cu 85kg total.
Den categoria di Junior Reginald Henriquez ta gana fácil y ta sali como ganador absoluto cu un total di 165kg,
Den categoría di hubenil Zymion Loopstok di 14 anja di edad ta sali ganador absoluto cu un total di 91kg y ta logra kibra dos record di Aruba. Uno den clean & jerk cu 3kg y den total cu 1kg. secundo lugar a bai pa Zaymon Loopstok cu un total di 80kg tambe ta logra kibra su recor personal den snatch cu 3kg y den total cu 1kg. tercer lugar a bai pa Gerswin Javois cu un total di 68kg. Gerswin ta logra kibra tres record personal den snatch cu 3kg, clean & jerk cu 8kg y den total cu 11kg.
Den categoría di masters Faissal Barroso ta bira ganador absoluto cu un total di 160kg, segundo lugar a bai pa Hugo Themen cu un total di 155kg.
Trofeonan a bai pa hisadornan cu mas a progresa, prome lugar a bai pa Gerswin Javois cu 11kg, segundo lugar a bai pa Zaymon Loopstok cu 1kg y tercer lugar a bai pa Zymion Loopstok cu 1kg. Como Best Lifter di e torneo Himno y Bandera a bira e atleta John Henriquez cu un Sinclair Total di 255.188.
Directiva di Aruba Amateur Weightlifting Association ta gradici Lotto pa Deporte y Comishon di Subsidio cu a sponser e torneo, Sr. Chonai Faro cu su equipo di sonido y tur voluntario cu a juda pa haci e Torneo Anja di La Reina di hisamento di peso un exito.
(multithumb)
|
(0 vote)