| on Wednesday, 02 May 2012
|
Published in : , Baseball |
E hi-light di e weekend aki den Center League tawata e wega cu a bai entre e streanan (Stars Organization) y e muchanan di alarm systems di Benjamin Security. Un bon wega ora cu dos bon pitcher a enfrenta otro, den e caso aki tawata Lyonell Briesen y Lenin Ashby.
Tur dos a hasi nan maximo esfuerzo ya a duna e fanaticonan un bunita wega pa wak. Den e prome inning caba e muchanan di Benjamin Security a bai dilanti cu e score di 4-0, y asina e wega a sigi desaroya te cu e a caba cu e ventaga na Benjamin Security. E hitnan pa ambos equipo tawata basta solido y a bini di Lyonell Briesen, Miguel Thiel, Junior Maduro, Lenin Ashby, Quinten Werleman, Zyon Marcera, y Brandon Rincones. Diasabra mainta e prome wega a bai entre Lipton Tea y Aruba Rotary, akinan nos por aprecia un di e talentonan jong cu ta un pelotero cu ta bajendo Mundial di 11U di Pony League cu ta Denvert Werleman. cu a pitcha un bunita wega. Aruba Rotary ta gana comodamente cu e score di 14-1. Den e di dos wega cu tambe a hala hopi atencion tawata ora cu e dos teamnan di e organosacion di Giants Baseball Organization a enfrenta otro, loke a worde jama BSS Yellow y BSS Purple, e dos teamnan aki ta comanda e posicion nan mas halto den e standing di Center League. E team BSS Purple a laga BSS Yellow den tereno, ora cu Frangelico Angela den e ultimo inning ta conecta un hit di oro pa caba e wega. E wega a termina cu s core di 6-5 na favor di BSS Purple. Diadomingo mainta e prome wega a bai entre Lipton Tea y BSS Yellow, aki e muchanan di Benjamin Security a bini brabo y ta super knock out Lipton Tea cu e score di 23-2. Un biaha mas BSS Yellow ta saca su poderio den bateo y ta conecta 2 homerun cu tawata di Eric Mendez y Nigel Calmes. Jean Claude Hernandis a tira un bon partido y Jerrick Francees, Valentino Dirksz, Obrian, a luci cu e bate. E ultimo wega di e dia di diadomingo a bai entre Aruba Rotary y Covenca, aki e muchanan di Emiliano Thiel a duna un show den pitcheo y bateo, ora cu Dani Gomes a tira no menos cu 10 strike out, y a bati basta hit, den e bat nan di Dionrij Rijke, Denvert Werleman, e pitcher Dani Gomes, Norwin Koolman, Josmar Pinja. E pitcher di Covenca cu tawata Bryan Sahid no a hanja e respaldo den e defensa y a cai atras den e score y a hanja relevo di Naygel Caro cu a hasi su best, pero e bateadornan di Aruba Rotary tawata brabo e dia ey. Cosnan ta bira interesante pa diasabra awor ora cu BSS Yellow lo ta enfrentando Stars Organization pa merdia 12 or na Ripoldo Croes Ballpark. Pa mas informacion por wak e schedule completo, e standing, via www.arubacenterleague.com, Aruba ta keda invita pa pasa na Ripoldo Croes Ballpark y disfruta di e wegana di Little League 2012 cu ta jegando su etapa final.
(multithumb)
|
|
|
| Users' Comments |
|
Average user rating
 (0 vote)
|
|
Add your comment
|
By: selito (Guest IP 201.229.82.29) on 10-05-2012 12:12
Pa anjanan cu ta bini 2013 y 2014 nos tin mas bon umpirenan asina..no por sigi depende di mesun personanan semper.