E cuater equiponan pa loke ta e playoff final di futbol division di honor 2011 -2012 a keda conoci, ora cu e diadomingo anochi e equipo di Estrella ta gana Bubali cu e score di 3 - 2 y asina join RCA, Britannia y La Fama den e playoffnan final. Kizas nos a mira e wega mas emocionante pa loke ta e campeonato aki, pero cu no a bai sin su carchi coranan,

Nos tin cu bisa cu den e minutnan inicial, Bubali a sali dicidi mirando cu den e prome seis minutnan tur cos tabata e orguyonan di Noord, nan tabata constant den e atake buscando e gol di bai ariba, pa Bubali no tabata tin majan den e wega aki. Pero na di 9min, e delantero di Estrella, Mayron Gutierez, ta silencia e publico di Noord, ora e ta habri e marcador 1 - 0, cu un tiro duro lastra den skina drechi. Na e prome atake di Estrella di biaha esaki a resulta den e gol di bai ariba. Aunke esaki no a para Bubali di sigui ataka, tabata Estrella un bez mas cu a haya e miho oportunidad di amplia e marcador. Na di 19min, Calito Ras ta sigui un hugada cu no tabata offside, e ta haye su so cu portero De Sousa, aki e ta tira mucho poco poco facil den man di e portero.

Di otro banda, Bubali su atakenan tabata falta presicion, dado momento Rawly Wiersma ta los un tiro fuerte direccion di gol unda e defensa Aikel Lopez ta saca esaki ariba linea.Mester bisa cu cada biaha Bubali lansa un atake, Estrella ta responde cu un counter peligroso cu hopi hende tras di e bala. Esaki a haci cu Estrella a bolbe haya e mihor oportunidad pa medio di Raymond Jimenez, pero De Sousa su punta di dede ta manda e bala tiro di skina.

Dos minut tabata Bubali cu a hera empate ora cu Valledas ta remata, pero e defensa converti den portero esta Calucho Geerman di Estrella simplemente no a laga nada pasa, un remate di Mark Milrose alias Smiley tambe a ser para pa Calucho.

Remarcabel ta cu nos a mira un wega balansa cu bon oportudad di gol pa ambos equipo, un Bubali mas den atake y sigur cu leve dominio den e medio campo, pero di otro banda bo ta mira un Estrella super peligroso den e counter cu e veloz Mayron Guttierez. Na cada atake ehecuta pa Estrella esaki a trece peliger pa e porteria defendi pa De Sousa. Na banda di esey, Bubali su atakenan sigur tambe tabata peligroso, nan a haya bon chens aunke Maria y Tejada tabata ser fuerte marca pa e linea di defensa di Estrella cu Aikel, Mavarez y Groot. Casi na final di e prome tempo ambos equipo a haya bon chens di anota, un corner di Bubali, a ser bon cabeza ariba gol, pero Jimmy Werleman ta strech y saca e bala ariba linea. Despues tabata Calito Ras kende ta haye su so, pero e ta cabeza den man di portero De Sousa.

Mucho mas no a pasa den e prome tempo.

Segundo tempo.

Den e segundo tempo, Estrella a sali cu miho dominio, nan a tuma e iniciativa y a hunga muchi mas coordina. Na di 57min, un bruhacion entre Wiersma y Albertsz ta pone Mayron piki un bala y bai su so direccion di gol, pero Mayron ta tira den man di portero De Sousa. Remarcabel ta cu den parti medio campo di Bubali tabata perde hopi bala y esaki cada bez tabata trece peliger pa e linea di defensa di Bubali cu tabata hunga hopi avansa. Dado momento Estrella tabata probecha bon di su liheresa poniendo presion ariba e defensornan di Bubali cu no tabata tin formula pa wanta esakinan. Na di 69min, un tremendo avanse na banda drechi di Anuar Kock cu ta bai laga dos defensor di Bubali, aki e ta pone un pase perfecto pa Mayron Guttierez cu ta core drenta sin marcacion y cu canti pia e ta pusha e bala bou di portero De Sousa pa e 2 - 0. Despues di e gol, e frustracionnan tabata bisto serca e equipo di Bubali, caminda carchi gel a cai pa Vallades y cora a pa e rumannan Wiersma, unda cu Brayen Wiersma a perde cabez y dal arbitro Farro. Aki e wega a para por completo caminda tur hende a subi tereno y purba mantene e calmo. Tog asina mes cu dos hungador menos, Bubali a haya un penalty, ora Power Hassel ta basha e defensa Alex Ramirez den e area penal. Aki Alex Ramirez mes ta ehecuta y ta corta e ventaha na 2 - 1. Algun rato despues Alex ta hera empata e partido pero su cabezo ta cai den man di portero Geerman. Mester bisa cu Bubali a hunga mihor cu dos homber menos ariba tereno camnda nan atakenan tabata tin mucho mas efectividad. Pero na di 85min, un counter veloz di Anuar Kock y Mayron Gutierez den un hugada similar na e di dos gol di Estrella ta caba cu tur e speransa di e orguyonan di Noord, ora cu un paso di Anuar ta cai ariba pia di Gutierez kende ta core drenta y anota su di tres tanto e anochi aki y e 3 - 1 pa Estrella.

Den e ultimo minut di wega Tyron Maria ta corta ventaha na 3 - 2, despues di un paso di Ramirez. Pero ya esaki tabata demasiado lat y Estrella ta clasifica pa e playoffnan final, mientras Bubali un bez mas ta keda afor ariba e ultimo fechadi e campeonato. Na ultimo Power Ranger ta faya mahos dor di skop e bala den tribuna y ta haya un carchi gel, su di dos, automaticamente un cora. Pues prome wega di Estrella, Power Ranger no lo tey e prome partido den playoff.

Manera nos a bin compronde cu diamars 15 di mei lo tin e e prome partido di e playoffnan final. Asina cu AVB saca e schedule nos lo tine pa nos lectornan.
(multithumb)

Average user rating

   (0 vote)

Display 1 of 1 comments