| on Tuesday, 08 May 2012
|
Published in : , Cycling |
Un noticia sigur lamentabel ta loke nos a haya tende cu e prospecto hoben den e deporte di BMX esta Zaithyel Soekander a haye den un accidente ariba pista di Streetwise diadomingo merdia. Informacion cu nos a obtene for di bon fuente ta bisa cu Zaithyel a crash den un di e seronan ariba e pista di Streetwise,
consecuentemente el a cai y kibra su clavicula(sleutelbeen). Esaki sigur ta bini net na mal momento pa motibo cu e ta socede na vispera di e campeonato mundial di UCI-BMX cu lo tuma lugar dentro di algun siman na Inglatera.
Mester bisa cu recientemente Zaithyel tabata na Merca unda cu un revista renombra di BMX a scirbi un articulo ariba e prospecto Arubano, su acohida ta uno grandi aya bou. Na Aruba mes, Zaithyel tabata nominado di Premio Excelencia den Deporte, unda el a haya premio di motivacion pa su logronan den 2011. Den pasado el a gana varios premio como atleta destaca. Anja pasa y e anja ki e tabata causando furor cu su logronan ariba nivel internacional.
Den un combersacion cortico sosteni cu Zaithyel su querida mama, Minerva, nos a bin compronde cu a consulta cu un dokter specialisa den lesionnan di deporte na Venezuela pa asina mira si nan por duna Zaithyel un tratamento special pa cu e weso lo por pega bek den dos siman y asina percura cu ainda Zaithyel lo por asisti na e campeonato mundial di BMX na Inglatera. Di aki banda nos ta desea Zaithyel un pronto recuperacion y cu pronto e ta bek ariba pista eherciendo su deporte preferi esta bike cross
|
|
|
| Users' Comments |
|
Average user rating
 (0 vote)
|
|
Add your comment
|
