SportsAruba.com - Aruba Sports News Provider - My Fitness Health Club a habri su portanan den e curazon di Sta Cruz

My Fitness Health Club a habri su portanan den e curazon di Sta Cruz

on Saturday, 12 May 2012

Published in : , Noticia

"Nos meta ta pa tur hende ta conciente pa tin un curpa saludabel, un condicion optimal y un bon balansa di movecion combina cu entrenamento guia pa expertonan cu conocimento di e materia", esaki ta loke Manager di My Fitness Health Club, Sr. Charles Kelly a expresa durante di e apertura di My Fitness Health Club, un gym cu un concepto nobo cu kier brinda awor e habitantenan di Sta Cruz y becindario y Aruba completo lo mehor den entrenamento.

Diabierna atardi bou di un expectativa grandi, My Fitness Health Club a ser inaugura pa su invitadonan y e staf di empleadonan kendenan lo percura pa tur esnan cu bira miembro di My Fitness Health Club sinti nan mes na cas, entrenando bou guia di profesionalnan cu experiencia amplio den e mundo di entrenamento cu equiponan specialisa pa Cardio-training como tambe e entrenamento cu peso. Despues di e inauguracion tur hende por a pasa y admira tur e machinenan nobo y ultra moderno cu My Fitness Health Club lo ofrece pa ora di entrena. E seccion di Cardio-training ta uno hopi amplio mes cu un cantidad grandi di machinenan ultra moderno. Mas cu claro e diferente machinenan di entrena tur e musculonan di e curpa, porcierto tambe un cantidad grandisimo, tur esaki sin lubida e pesonan los, pa esnan cu ta gusta entrena e old style. Tambe nos a mira e parti di Spinning, un entrenamento hopi gusta pa esnan cu ta core bicicleta. Mester bisa cu hasta American Airlines su hostnan tabata tey pa splica e convenio di e gym y e advantage miles di e compania ora di bira miembro di My Fitness. My Fitness Health Club ta situa enfrente di Wema Sta Cruz, ariba Subway, Digicel y Sensei Sushi-bar, unda antes tabata Platinum. e orarionan lo ta di dialuna pa diadomingo, pasa awor mes y bira miembro.
Propetario di My Fitness Health Club, Sr. Kevin Yee a bisa pa keda pediente paso My Fitness Health Club a bin pa expande su halanan na Aruba, mirando cu pronto e districto di Noord tambe lo haya esun di dje pa entrena.
(multithumb)

Users' Comments

Average user rating

(0 vote)

Add your comment

No comment posted

< Prev		Next >

Aruba International Half Marathon 2011