| on Saturday, 12 May 2012
|
Published in : , Taekwondo |
Ayera diabierna, e delegacion di Aruba di taekwondo a logra su prome medaya na e Open di Canada, unda e peleador Stuart Smit a bini logra medaya di bronz. Un Open di Canada cu a conta cu un elenco mundial, caminda e mihor leadornan di tur parti di mundo a bini y prepara nan mes debidamente tur esaki na vispera di e inicio di e Weganan Olimpico na Londres, Inglatera, dentro di algun luna.
Aruba su atleta di anja 2010, Stuart Smit kende ta biba y entrena na madre patria a viaha hunto cu su coach, e Koreano Pet for di Hulanda pa Canada. En total Stuart a logra gana dos pelea pero ta perde dos tambe den e double elimination pa asina keda cu e medaya di bronz. Prome Stuart a gana for di Charles Drake di USA, despues un bez mas Stuart a gana for di Jasmel Acosta. Bringando pa drenta den e gran final, Stuart ta bin perde contra di Marc Andr di Canada y asina bai pa e medaya di bronz, aki un bez mas Stuart ta perde contra di Drake Charles(USA), esaki den e double elimination y keda tog cu su medaya di bronz. Pa loke e otro atletanan nos no tin mucho informacion, solamente cu e atleta femenino Aischal van der Linde lo mira accion awemainta caminda e lo enfrenta algun peleador di taya. Aischal lo bringa contra e ganador di USA y CAN, si e pasa e lo ta den final contra di CAD, Yvette Gonda, un campeon Pan-Americano. Ta bon pa bisa aserca cu presidente di taekwondo bon di Aruba, Jose "Chaco" Cornelio, tambe a bini pa referee e peleanan. Porcierto Chaco Cornelio ta un di e refereenan eligi pa e Weganan olimpico di Londres 2012. Despues nos lo bini cu mas informacion
(multithumb)
|
|
|
| Users' Comments |
|
Average user rating
 (0 vote)
|
|
Add your comment
|
