| on Sunday, 13 May 2012
|
Published in : , Futbol |
Calentura di e playoffnan final di futbol Division di Honor a cuminsa dal tur hende duro. Prome cu e wega di diamars anochi entre RCA y Estrella diferente rumor a cuminsa core di supuesto refuerzonan cu lo bini pa e equiponan cu ta den e playoff. Na numeroso ocasion nos a ser jama of riba BB-pin y puntra si nos por a tende cu e rumannan David y Eric Abdoel
militando den e futbol hulandes lo bini e reforsa e naranhadanan di Sta Cruz. Pero den e mesun rosea nos a wordo bisa tambe cu e ex-bolante estelar di e tricolornan di Solito, esta Jean Luc Bergen ya ta na Aruba y lo start den e alineacion di RCA diamars anochi contra di Estrella. Kiko tur tin di berdad na e rumornan aki nos no sa. Nos a purba buska contacto cu e campo di Estrella y RCA, pero ningun di dos nos kier declara ni desmenti cu si e rumornan ey ta berdad. Di otro banda nos por a bin compronde cu por ehempel RCA lo ta buskando un portero for di Boneiro, pa ser exacto di Real Rincon, anja pasa el a causa furor den e Copa Richmond Internacional dunando su equipo e titulo di campeon den e pena maximo. Tanten cu diamars no yega nos no sa kendenan lo ta forma parti di e elenco di tanto RCA como Estrella
(multithumb)
|
|
|
| Users' Comments |
|
Average user rating
 (0 vote)
|
|
Add your comment
|
