| on Thursday, 07 June 2012
|
Published in : , Softball |
Heineken Copa Noord 2012 organisa pa SV Royal Power hunto cu commission organisador auspicia pa Aruba Softball Bond a yega su final den un partido cu den e promer 4 inning a mustra hopi interesante cu batazonan fuerte pa ambos equipo pero Royal Power mustrando su determinacion y experencia
a rally formalmente pa asina knock out e muchanan di Gibi” Chikitin bib bin” Webb di Kudawecha Redskins Pizza Hut pa retene nan titulo di campeon. Alvaro Barrios kende a habri e partido pa Royal Power ta resulta pitcher ganador ricibiendo relevo di el cabayo de hiero Poy Flanegin den di 4 entrada. Alvaro a wordo sona basta fuerte cu un total di 10 imparabel incluyendo un cuadrangular di Michael Fingal. Royal Power un bes mas ta demostra su determinacion y experencia den un wega final y no obstante cu Redskins tabata dal e bala fuerte nan tabata sa di keda trankil y reaciona bek cu nan bate usando nan speed y technica di wega pa tene Redskins bow di presion. Despues di 4 inning Royal Power a explota y ta habri e wega for di otro a palo limpio. Royal Power 16 careda, 17 hit, 0 error. Redskins Pizza Hut 6 careda, 12 hit, 1 error. Richinell Matos ta perde e partido ricibiendo relevo di Lucio Geerman kende na su turno a wordo releva pa Carlos Croes. Ningun por a paga e candela di Royal Power. Mihor bateadornan pa Royal Power a resulta Gregory Pilin Krosendijk y Christian Diaz ambos di 5-3, Estefano Fano Croes di 3-2, Edward “ Gordo” Cannister y Richard “Nunn” Flanegin di 4-3. Christian Diaz ta conecta hit pa center empuhando Nunn Flanegin pa asina termina e wega lagando Redskins den tereno por medio di knockout. Pa Redskins Pizza Hut a luci na plato Roderick Simon 4-2, Michael Fingal y Alexander v/d Berg di 3-2. Estefano Croes a hasi un hungada sensacional na tercera base momento cu tabata tin coredor na tercera y primera base cu dos out y score ainda tabata 10-6 pa Royal Power Fano ta tira cabez riba un line drive fuerte bati pa Roderick Simon a las grandes ligas y ta logra baha cu esaki den su guante pa saka di 3 out y sera e inning unda Redskins tabata menasa. E atrapada aki a fuel e muchanan di Royal Power kendenan porcierto e sigiente inning a bati sin misericordia. E veterano Richard “ Nunn” Flanegin finalmente ta resulta MVP di e torneo batiendo di 4-3 cu 4 RBI y a dirigi e wega como catcher na un manera spectacular. Un palabra di pabien na tur e 12 teamnan cu a participa den Copa Noord kendenan a contruibi pa hasi Copa Noord 2012 esun di mas grandi den historia. Pabien tambe na Fico Albertsz y Eli Pers na kendenan Copa Noord a wordo dedica. Pabien na tur hungadornan di Royal Power y Comision Organisador kendenan a traha incansabelmente. Pabien na Aruba Softball Bond cu a auspicial e torneo aki na un manera unico y proficional. Danki na cuerpo di scorers y cuerpo di umpire kendenan a hasi un sublime trabow. Danki na Sponsernan Romar Trading, HEINEKEN y Banco di Caribe como e unico patronisadornan official di Copa Noord 2012. Danki na companianan cu a contruibi cu premionan pa doorprize esta Tiara Air, Aserca, Mamuris Restaurant y Setar di bo tambe. Pabien Redskins Pizza Hut cu boso titulo di sub-campion y mas cu klaro un palabra di pabien na e fuerte equipo di Royal Power den softball kendenan a retene nan titulo di campeon Copa Noord 2012.
(multithumb)
|
|
|
| Users' Comments |
|
Average user rating
 (0 vote)
|
|
Add your comment
|
