SportsAruba.com - Aruba Sports News Provider - ABBA a dedica e campeonato di dobbel A 2012 na e legendario beisbolista, Sr. Victor Albus

ABBA a dedica e campeonato di dobbel A 2012 na e legendario beisbolista, Sr. Victor Albus

on Friday, 08 June 2012

Published in : , Baseball

Diabierna anochi, oficialmente e campeonato di baseball ABBA a inicia den stadion di Nadi Croes/Crismo Angela na Rooi Bosal. Prome e MC di e anochi Sr. Roberto Geerman a introduci tur e equiponan participante pa cu e campeonato di baseball 2012. E equiponan cu a desfila tabata Rockets Freezone, Sluggers, ATCO Indians,

Duracell Red Machine, Oranjestad Stallions, Blue Stars, Braves Scorpions.
Despues di e desfile, a canta e tono glorioso Aruba Dushi Tera esaki interpreta pa e artista Edjan Semeleer.
Mas cu claro algun persona pronminente den baseball a hiba palabra na e anochi aki. Prome presidente di ABBA, Sr.Darryl Irausquin, a dirigi su mes na esnan presente unda a gradici tur e equiponan, e cuerpo di umpire y e directiva cu ta trahando na bienestar di e baseball Arubano. Su persona tabata masha orguyoso di por a dedica e campeonato na un baluarte den e deporte Arubano, Sr. Victor Albus. Despues su Excelencia Minister di Deporte, Dr. Richard Visser tambe a dirigi su mes na esnan presente. Segun Dr. Visser, baseball ta e di dos deporte mas grandi na Aruba, hopi mucha ta gusta praktica e deporte, un deporte creciendo y gusta pa un y tur. Su persona encorto a relata e historia di e gran pelotero Victor Albus y kiko tur su persona a nifica pa e baseball di Aruba, un berdadero honor y ehempel pa tur.
Por ultimo Dr. Visser a felicita Sr. Victor Albus y ABBA pa cu e campeonato di baseball 2012. Mester bisa cu e legendario Victor Albus a dirigi su mes cortico na tur presente, el a desea tur equipo hopi suerte, e ta spera cu e fanaticada yega stadion manera antes, pa asina yuda na pone e deporte di baseball unda e merece di ta. Net prome cu e sake di e prome bala, e equipo di Duracell Red Machine conoci tambe como ex-Marlboro, a duna un reconocimento na Sr. Victor Albus. Manera manager di e equipo Sr. Cai Cai Williams a bisa, un di e peloteronan di mas grandi cu a yega di hunga e wega di baseball den historia di Antiyas y Aruba.
Remarcabel ta cu diferente ex-companeronan di Sr. Victor Albus a haci acto di presencia na e gran anochi di homenahe aki. Por ultimo a haci sake di e prome bala unda Sr. Albus a fungi como pitcher, Minister Visser como e bateador y Sr. Eugene Kingsale, entrenador di bond como catcher. Na final tur por a pone nan firma ariba e bala usa di e prome pitcheo.
(multithumb)

Users' Comments

Average user rating

(0 vote)

Display 2 of 2 comments

By: selito (Guest IP 201.229.84.229) on 11-06-2012 08:14

Pabien na sr Albus...merece aprecio pa su aporte en grande na nomber di Aruba...Ta di SOCOTORO e tambe ta...
Lo ta bon pa ABBA cuminsa cu campeonato di e chiquitinnan tambe...sin chiquitin.. bo no tin bon hungador grandi majan...

By: Franklyn (Guest IP 84.85.237.95) on 10-06-2012 08:47

Contento di mira cu porfin A.B.B.A. ta start su campeonato na tempo.
y A.B.B.A. ta traha segun un plan.
Tambe mi kier a felicita Aruba Rockets Organisation cu a desfila cu un equipo completa manera mester ta. Mi a mira hopi cara conoci den e team. Suerte pa tur equipo cu ta participa na e campeonato y specialmente na mi equipi Rockets

Display 2 of 2 comments

Add your comment

< Prev		Next >

Aruba International Half Marathon 2011