| on Wednesday, 13 June 2012
|
Published in : , Softball |
Aruba Softball Bond ta den pleno preparacion cu su selecion femenino kendenan desde april a drenta campo di entrenamento. Directiva dinamico di Aruba Softball Bond ta trahando incansabel cu poko recurso pa asina prepara e selecion femenino kendenan ta programma pa bay Belize den luna di november pa bay qualifica pa World Games cual lo tuma lugar na Cali Colombia juli 2013.
Dialuna ultimo sinenbargo a yega Aruba e College team USA Athletics kendenan lo permanese 1 siman na Aruba y lo hunga 5 wega di fogeo esta 5 TPOE contra e selecion femenino di Aruba den preparacion. Diadomingo awor nan lo bay bek y dialuna otro siman lo bolbe yega un di dos team kendenan lo bolbe hunga 5 wega di fogeo contra nos selecion den preparacion. Diamars atardi pa 6pm Selecion femenino di Aruba a topa USA Athletics unda Aruba a sa di luci y a gana USA Athletics 11-5. Aruba 11 careda, 15 hit, 1 error. USA Arthetics 5 careda, 4 hit y 3 error. Aruba su bateo a resalta riba un trmendo pitcher di USA kende tabata baha basta strak pero no por a controla e batenan cayente di Aruba. Rudlyn Ras kende ta den tremendo condicion a bay completo y a bay cas cu e victoria. Riangela Flanegin a bati di 5-4 incluyendo un triple di one bounce den muraya y un doblete, Ludmila Geerman a bay di 4-3, Shakeena Croes di 2-2, Milvienne Henriquez a bay di 4-2. Pa USA Athletics Lindsey Adams a bay di 3-2. Alyska Bixler ta resulta pitcher perdedor. Diaranson y diabierna pa 6pm nan lo ta topando otro na Kudawecha mientras cu diasabra pa 5pm nan lo enfrenta otro na Flatstone.
|
|
|
| Users' Comments |
|
Average user rating
 (0 vote)
|
|
Add your comment
|
