| on Sunday, 17 June 2012
|
Published in : , Futbol |
.jpg "Ronald Gomez (2).jpg")
For di futbolista di RCA, Ronald Gomez nos a haya e siguiente aclareacion ariba e sucedido di diasabra anochi den e minutnan final di e partido RCA y La Fama, un wega cu no a caba manera debe ser cu hopi problema ariba tereno di bala. Ronald simplemente kier a mustra ariba un mal intendimiento pa evita cu cosnan stranjo por wordo bisa y/of pensa etorno su persona.
Textualmente e aclareacion ta bisa asina ki;
Sr. Redactor permitimi un espacio den bo medio di comunicacion pa mi persona por aclarea un mal comprondemento y alabes pidi mi disculpa pa locual a sosode.
Mi kier cuminsa na pidi mi disculpa pa e acto riba veld diasabra anochi durante e prome wega di final entre RCA y La Fama. E tabata un culminacion y reaccion riba un golpi (mokete) cu mi persona a ricibi di trincion tras dimi cabes di un hungador di La Fama, durante e ultimo minutnan di e partido. Mi a comenta cu e hungador aki pakiko e mester a dal mi tras dimi cabes y pakiko e la haci esaki di trincion. E comentario riba esaki tabata: "Mi lo dal bo un biaha mas di dilanti si bo kier" y mi a bise cu mi lo para pe pa e haci esaki.
Mi ta conciente cu nos como hungador di Hoofdklas ta duna ehempel na grandi y chikito, muy en especial tur esnan di Lifida. Mi kier pa nan sa cu esaki no ta e manera pa hunga FairPlay y cu no matter ki actuacion, palabra of hasta contacto fisico un otro equipo lo usa, como hungador ehemplar y bon futbolista semper bo mester cana bai pa asina duna balor y respet na bo wega, equipo y finalmente e fanaticada di futbol. Si bo no haci esaki e lo por perhudica bo equipo y bo por manera tabata e caso aki ta complice di un futbol di menos calidad. RCA ta un team cu ta pone hopi enfasis ariba norma, balor, respet y union y exactamente esaki ta caracteristicanan cu ta haci nos un di e clubnan mas grandi y exitoso na Aruba. Ora tin bon wega y ta ora di elogia mester haci esaki, pero ora di situacion manera esun di diasabra anochi mester ta asina grandi tambe pa admiti, pidi disculpa y prepara pa e siguiente wega cu FairPlay den mente.
Te diaranson.
Ronald Gomez
|
|
|
| Users' Comments |
|
Average user rating
 (0 vote)
|
|
Add your comment
|
.jpg "Ronald Gomez (2).jpg")
By: TD (Guest IP 201.229.9.70) on 17-06-2012 20:48