![CISC 2012[1].jpeg](http://www.sportsaruba.com/mambots/content/multithumb/thumbs/b.150.0.16777215.0..stories.noticia.2012.June.18JUNE.CISC 2012[1].jpeg "CISC 2012[1].jpeg")
E fin di siman benidero, Aruba lo ta cede di un otro grandioso evento internacional di deporte. Entrante diabierna awor 22 di juni te cu diamars 26 di juni, e competencia internacional di natacion Caribbean Island Championship, CISC lo tuma lugar den Piscina Olimpico Roly Bisslik na Savaneta, e ultimo biaha esaki tabata na anja 2000.
Den pasado, Aruba a host na dos ocasion e competencia internacional di CARIFTA, esakinan na 2008 y 2009. Durante cinco dia largo, un total di 350 atleta representando 15 pais den e region di Caribe lo competi contra di otro pa e premio maximo. E competencia di CISC lo ser dividi den tres diferente disciplina di natacion, esakinan landamento, landamento sincroniza y Open water. Paisnan presente lo ta entre otro Antigua & Barbuda, Bahamas, Barbados, Bermuda, British Virgin Island, US Virgin Island, Puerto Rico, Jamaica, Trinidad and Tobago, Grenada, Surinam, Corsow, St Lucia, Santo Domingo y Aruba. Un total di 280 landandor di 15 pais lo competi den landamento, 22 landador di 5 pais lo competi den e Open water mientras cu 48 landador di 6 pais lo
competi den landamento sincroniza. Mester bisa aserca cu un total di 25 oficial di e Federacion Internacional di Natacion, FINA di otro pais tambe a bini pa cu e competencia di CISC. Diabierna awor pa 6or di atardi lo inicia cu e Ceremonia di Apertura den e Piscina Olimpico Roly Bisslik na Savaneta.
Ta bon pa menciona aserca cu e competencianan di landamento preliminario tur lo tuma lugar den e oranan di mainta cuminsando desde 9or te cu 11or, mientras cu den oranan di atardi e finalnan lo cuminsa for di 4.30 te 8or di anochi.
E competencia di Open Water lo ta diadomingo dia 24 di juni, esaki lo tuma lugar na Mangel Halto y lo cuminsa pa 9or di mainta.
Pa loke ta e competencia di landamento sincroniza, esaki lo ta di 23 pa 26 di juni. Adhunto nos lo pone e schedule di landamento sincroniza
Diasabra Juni 23:
8.15pm(anochi): solo competition
12 and under: 5 solos
13-15: 10 solos
16-18: 2 solos
Diadomingo Juni 24:
12.00pm(merdia): Figure comptition:
13-15: 30 athletes
12 and under: 13 athletes
16-18: 6 athletes
Dialuna Juni 25:
9pm(anochi): Duet competition:
12 and under: 3 duets
13-15: 6 duets
16-18: 3 duets
Diamars Juni 26:
8.30pm(anochi): Team competition
13-15: 3 teams
|
|
|
![CISC 2012[1].jpeg](http://www.sportsaruba.com/mambots/content/multithumb/images/b.600.0.0.1..stories.noticia.2012.June.18JUNE.CISC 2012[1].jpeg "CISC 2012[1].jpeg")
(0 vote)