| 
Atleta Shariska Winterdal ta conta su experiencia amargo di e tragedia na e Boston Marathon PDF Print E-mail
Tuesday, 16 April 2013

Marathon (13).JPG
Nos a logra haya contacto cu e conocido coredor di distancia largo esta Shariska Winterdal kende hunto cu e otro atleta Arubano, Esmeralda Hendriks a participa na e 117 edicion di e Boston Marathon. Manera ya ta conoci despues di 4 ora y 4 minut cu e evento tabata aden, dos explosion fuerte a cambia e alegría di tur presente den un berdadero miseria, uno trágico cu ningún hende no por a spera.

E tragedia aki a laga un saldo atras di tres morto y mas di cien herido.

Shariska a conta nos lo siguiente. "Tur cos tabata bayendo hopi bon, prome cu e incidente, ami a cruza final pa mas o menos 2:15pm, mi no sa e ora precies ki ora e cos aki a pasa. Na e momento ey, mi tabata canando rond buscando e grupo cu mi tabata cu nan pa bai bek den e bus cu nos a bin cu ne".
 "Ta un zonido duro mi a tende y despues di un par seconde un otro sonido, tur hende a para keto un rato y ta huma so por a wak ta sali y tabata mustra cu ta hopi cerca di e finish. E momento ey nos no sa kiko tabata pasando, te ora cu a wak polis tur rond coriendo pa e direccion ey y por a scucha cu ta un bomb explosion, wel e ora e hendenan a drenta panico, tabata wordo bisa cu porta cu tin mas explosion, tur hende den e becindario ey mester a move y ami no tabata sa unda pa mi move, mirando cu mi no sa unda mi mester a bai".
Shariska a sigui conta cu despues di rato buskando ela a topa cu e hende nan di e grupo cu por a guie na e bus.
Shariska ta sigui bisa cu un rato despues ela tende cu e marathon a wordo para, y ningun hende por a jega final mas. Segun Shariska tabata falta mas o menos 10 mil hende riba ruta ainda pa drenta e meta final.
"Mi mes a jega Hotel despues di 6:00 atardi, trafico tabata hopi congestiona, sirena so por a tende tur caminda, despues aeropuerto y  metro/trein station a wordo sera pa seguridad". "No ta algo cu por imagina e cos aki ! Un situacion fastioso y tristo".
 
Mester bisa cu awe diamars aeropuerto di Boston lo a habri bek, hopefully tur vuelo por sigi
Te akinan e versión di e atleta Shariska Winterdal, kende lo regresa Aruba bek un di e dianan aki.
 
Next >
Benjamin Security NV
Compra
There are no upcoming events currently scheduled.
View Full Calendar
Add New Event