| 
Velocity Cycling Team (VCT) ta organisa su prome careda, cual lo ta e “Velocity MTB Relay Race” riba PDF Print E-mail
Monday, 29 April 2013

Velocity MTB Relay Race-3.jpg
VCT ta afilia na Aruba Wieler Bond, y pues e careda aki ta parti di e calendario nacional di ciclismo pa e disciplina di Mountain Bike. E formato di e careda aki lo ta uno di relevo caminda un team di 4 coredo mester completa e distancia cu cada bes 1 miembro di e team ta sali pa core su parti di e careda.

E concepto di relevo den Mountain Bike ta trece otro dimencion di competencia, caminda team work y strategia ta hunga un rol importante den e exito di e ekipo.

 

E careda lo tuma lugar riba un circuito di 3.5 km na Seroe Pela. E ruta ya ta marka cu borchinan geel cu blauw pa asina tur ciclista por practica riba dje. Careda lo start pa 7:30 am en punto, pero check-in ta cuminsa ya for di 6:45 am.

 

Lo tin 2 categoria, cual ta Speed Team y Mixed Team. Speed Team por wordo forma door di cualkier 4 coredo di 14 aña bai ariba y ta mas pa e coredonan di nivel avansa. Den e categoria Mixed Team, e equipo mester consisti di por lo menos 1 mucha di 13 aña bai abouw, 1 dama, 1 master di 45 aña of mas y 1 coredo di cualkier nivel, sexo of edad. E categoria aki ta special pa coredornan nobato of recreativo.

 

Registracion:

Fecha: Diahuebs 2 mei 2013.

Lugar: Urataka Center

Ora: 7:00 – 9:00 pm.

 

Costo di inscripcion pa cada team lo ta Afl 50. Lo no tin inscripcion riba dia di careda, pues ta pidi tur ekipo pa pasa registra e anochi aki. Tambe por pre-registra prome cu 2 di mei via e-mail na This e-mail address is being protected from spam bots, you need JavaScript enabled to view it . Email nos pa bo ricibi e formulario di inscripcion y reglanan pa e careda aki.

 

Velocity Cycling Team ta extende un invitacion na tur coredo di Mountain Bike pa bin participa na nos prome careda como club y duna nos boso sosten. Tambe na tur fanaticonan pa bin apoya nan ekipo preferi.

 Velocity MTB Relay Race-3.jpg
 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event