| 
Comicion Pro Village Basketball a organiza un dia di famia na Sport Centrum SN PDF Print E-mail
Tuesday, 09 July 2013
 DSC_0621.JPGEsaki tabata un dia sumamente exitoso pa e team di Basketball di Village tanto cu nan team den Mini “Anchor Bulls” di edad 6 pa 12 aña y e team di Pasarel “Terminators”, edad 13 pa 14, caminda un biaha mas nan a celebra y clausura nan fin di aña di campeonato y tambe escolar.  Esaki tabata un dia sumamente exitoso pa e team di Basketball di Village tanto cu nan team den Mini “Anchor Bulls” di edad 6 pa 12 aña y e team di Pasarel “Terminators”, edad 13 pa 14, caminda un biaha mas nan a celebra y clausura nan fin di aña di campeonato y tambe escolar.

  Tabata reina un calor inmenso y den e higra di solo di casi 50 Celcius, cu por cierto ya tin plannan avansa pa construccion di un dak na Sport Centrum SN, asina mes den e calor aki e muchanan a haci nan maximo pa e ciere di nan aña di campeonato y aña escolar.

  Tur aña e evento aki ta wordo organisa riba e cancha di basketball den St. Maartenstraat, pero e biaha aki debi cu e cancha den Village mester reparacion esaki a wordo haci riba e cancha caminda e teamnan di Village ta entrena e ultimo añanan, esta na Sport Centrum San Nicolas.

  For di mainta tempran e gran cantidad di casi 75 mucha y mayornan tabata tin diferente tareanan di basketball pa cumpli cune, pa asina na final di dia alrededor di 5:00 p.m a premia e mihor atletanan cu a destaca durante di henter e dia familiar y e campeonato.  Pero mas principal tambe pa esnan cu e mihor rapport, pues esnan cu a studia bon y cu bon resultadonan, di tur forma nan a wordo premia cu nan bon comportacion tanto durante di weganan pero tambe durante di entrenamento.  

  Un pabien ta bay na tur e muchanan cu a ricibi nan premio den tur e diferente categoria, for di e atleta mas diciplina, esnan cu mas punto den weganan, tambe esun cu a atende entrenamento mas hopi etc.  MVP den campeonato y tambe MVP durante di e dia di famia di diasabra ultimo.  Masha hopi premio mes a reparti entre e muchanan.  Tambe e muchanan cu mihor rapport a wordo sorprendi pa e Parlamentaria Clarisca Velasquez cu a regala nan un Ipad! manera ela priminti aña pasa.

  Especialmente na e coachnan cu por cierto ta haci masha hopi pa tene e muchanan aki hunto.

  Hopi tempo e coachnan di Basketball manera, Anselmo Mathew, Linda Letrun, Saskia Thomson, Geraldo Milton, ta pone den e muchanan aki cu nos comunidad no por ni imagina.

  Sport Centrum San Nicolas ta e cas di Comicion Pro Village Basketball y di hopi otro organisacion entre otro e schoolnan den becindario manera John Wesley, Ibero School, Maria Regina, Abraham de Veer y Colegio Arubano SN.

  Un biaha mas a keda comproba y hustifica cu Sport Centrum San Nicolas ta e centrum cu ta ricibi alrededor di 200 bishitante pa dia, pero mester di un afdak di cual ya tin plannan avansa pa cu esaki wordo realisa segun nos por a compronde for di Sr. Willy Willems kende ta e funcionario actualmente na cabez di Sport Centrum San Nicolas.  

gallery1gallery1gallery1
gallery1gallery1gallery1
gallery1gallery1gallery1
gallery1gallery1gallery1
gallery1gallery1gallery1
gallery1gallery1gallery1

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event