| 
Aruba lo ta e pais anfitrion pa e di 8 edicion di Junior Caribbean Cycling Championships PDF Print E-mail
Tuesday, 16 July 2013
198724_10151513129653451_1821394080_n.jpg Durante e fin di siman di 27 y 28 di juli, Aruba su camindanan lo ta yena cu ciclistanan hoben internacional, batayando pa e titulo di Campeon Hubenil di Caribe!

 Durante e fin di siman di 27 y 28 di juli, Aruba su camindanan lo ta yena cu ciclistanan hoben internacional, batayando pa e titulo di Campeon Hubenil di Caribe!

Esaki lo bira e di 8 aña consecutivo cu e campeonato aki ta wordo organisa como un evento riba su mes, despues di a wordo organisa pa prome biaha na 2005 conhunto cu e campeonato di e categoria Elite y na 2006 ta prome biaha cu e la wordo organisa como e Junior Caribbean Cycling Championships na Puerto Rico. Na 2010 caba Aruba a organisa e Campeonato Hubenil y e tawata uno exitoso y e paisnan cu a participa a encanta nan estadia na Aruba.

 Pa e aña aki, Aruba a wordo aserca un biaha mas pa bira anfitrion, mirando cu niun otro isla a tuma e iniciativa pa organisa e campeonato e aña aki. AWB ta considera e desaroyo di e hobennan sumamente importante y pues no por a permiti cu e campeonato ta keda sin wordo organisa y a dicidi di un biaha mas tuma e organisacion bou di su encargo.

 Diasabra 27 di juli lo tin e Time Trial Individual cual lo tuma lugar riba e ruta di Pos Chiquito pa Mahuma, cuminsando pa 8 am na altura di e retonde di Pos Chiquito.

Diadomingo 28 di juli lo tin e careda di Ruta riba e circuito di Bloemond, tambe cuminsando pa 8 am na altura di Pro-Win.

 Paisnan cu ya a confirma nan participacion ta lo siguiente: Anguilla, Antigua & Barbuda, Belize, Bermuda, US Virgin Islands, Curacao, Republica Dominicana, Guyana, Jamaica, Puerto Rico, St. Lucia, St. Vincent & the Grenadines, Suriname, Trinidad & Tobago y mas cu claro e seleccion di Aruba mes. Ainda nos ta pendiente pa confirmacion di Bahamas, Barbados y Martinique.

 Un total di 71 participante ya ta regsitra entre e 3 categorianan pa cual e campeonato ta wordo organisa: Juvenil 15 – 16, Junior 17 – 18, y Junior Damas di 15 – 18 anja. Aruba lo tin 4 representante den Juvenil kendenan ta:

-          Jonathan Croes

-          Gabriel Thielman

-          Jair de Santiago

-          Edrick Krozendijk

Den categoria Junior, Aruba lo tin 3 representante:

-          Eugene Dirksz

-          Jean Junor

-          Anthony Wong

Den Junior Damas, Aruba lo wordo representa door di:

-          Cherley v/d Linden

-          Oriana Thielman

 E patrocinador principal pa e campeonato aki ta Lotto pa Deporte via di Comishon di Subsidio y preparacion nan ta andando full swing.

 Un evento asina ta rekeri un cantidad grandi di voluntario pa cual motibo AWB ta hasi un yamada na tur e fanaticonan di ciclismo cu kier yuda na e evento aki pa tuma contact cu nos via e-mail na This e-mail address is being protected from spam bots, you need JavaScript enabled to view it y pone “Volunteer” den e subject line.

 Pa conclui, AWB ta invita tur fanaticada di e deporte di ciclismo pa bin apoya nos ciclistanan durante e 2 dianan di competencia aki. E caredanan lo priminti di ta yena cu accion y e nivel di competencia lo ta halto, pues no faye!

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event