| 
Kenro campeon F.L.M.S.A. 2013 PDF Print E-mail
Tuesday, 17 September 2013
photo.JPG Den finale di campeonato Liga Mayo di Softball Arubiano, Kenro un biaha mas a titula campeon.  Kenro ta retene e titulo cu nan a gana aña pasa na 2012, e aña aki e campeonato a wordo hunga den e forma di dos poule.

   Bambino Sluggers a termina na prome lugar den Poule A y Kenro di otro banda a termina invicto den Poule B.  E dos ekiponan mester a hunga “cross-finale”.

Pues number 1 di poule A versus number 2 di poule B y number 1 di poule B versus number 2 di poule A.

  Den e prome semi finale Bambino Sluggers a logra di gana di Surpise Softball Team 3 pa 2.

  Kenro di su banda a knock-out e fuerte ekipo di Deco’s Classic 11 pa 1.

Kenro a bati 11 hit y mihor bateadornan tabata Harold Larmonie di 3-2 incluyendo un triple, Marlon van der Linden di 3-2 incluyendo dos doblete, Willy Croes di 3-2 incluyendo un doblete y Nando Maduro di 2-1, cual hit tabata un homerun por cierto.

E gran final a wordo hunga na veld di Monserrat, caminda Kenro a enfrenta Bambino Sluggers.  Aki tambe e dos pitchernan invicto esta señor Roberto Croes a enfrenta señor Willie Croes.

  Kenro no a perde pa gana y ya den prome entrada a conecta 6 hit di cual 2 doblete y un triple y a anota 4 careda.  Sluggers di su banda a anota 1 careda den bom di prome inning.

Den di dos inning Kenro a remata y a dicidi e partido tambe.  Kenro a conecta 4 hit mas, incluyendo un triple cu base yen di Igmar Davelaar y combina cu 4 error, a score nada menos cu 7 careda, haciendo e wega 11 pa 1.

Den di 5 inning Kenro a caba cu e wega, nan a bolbe anota 5 careda, conectando 5 hit atrobe di cual un doblete y un triple.

Den bom di 5 inning Bambino no a logra score y asina Kenro a knock-out Bambino Sluggers cu e score di 17 pa 4.

Pa Kenro 16 hit y pitcher ganadoa resulta señor Willy Croes.

Miho bateadornan tabata Señores Frenk Kock di 4-3, Raffy Daniel di 4-3, Harold Larmonie di 3-2, Igmar Davelaar di 2-1 y Tony Warren di 1-1.

Señor Willy Croes , a wordo escohi como "Most Valuable Player”.

Esaki ta di 3 biaha cu Señor Willy Croes ta sali “M.V.P.”;  2 biaha campeonato Aruba y un biaha den ABC.

Kenro kier a gradici tur su fanaticada pa e sosten masal cu nan a haya durante e campeonato.
 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event