| 
Endy Croes y Chipen Chirino a sali pa Cartagena pa e di 26th ISF Congress PDF Print E-mail
Saturday, 26 October 2013
endy_y_chipen_den_congreso_di_isf_2012.jpg Diamars atardi dirigentenan di Aruba Softball Bond a sali pa Cartagena Colombia cual cuidad ta host e di 26 Congreso di ISF.  Esaki ta e actividad di mas grandi mundialmente di ISF unda presidentenan di 127 pais miembro rond mundo ta encontra pa tuma desicionnan grandi pa cu futuro di softball. Durante e Congreso aki tin diferente comision ta wordo apunta door di presidente Don Poerter pa trata puntonan importante y finalmente presentanan na Congreso pa posibel aprobacion . Endy Croes por ehempel a wordo nombra Vice Presidente di e comision cu ta trata candidatonan proponi pa Hall of Fame. Presidente di e comision aki ta Bob Leveloff di New Zeeland y secretario general Beng Choo Low di Malasia. Aki mester controla tur paisnan cu a propone candidatonan kendenan posiblemente lo por wordo induci Hall of Fame y tuma decision final si nan ta cumpli cu tur rekesitonan di ISF. Endy Croes a wordo apunta tambe den comision Legislativo. Chipen Chirino a wordo apunta den “Equipment Standards” hunto cu entreotro Miguel Acosta di Cuba. Lo revisa tur rekesito y si ta nesesario lo propone cambio na Congresia. Den e congreso aki lo trata tur proposicionnan di cambio den “Rule Book” di ISF 2014-1017 . Asina cu cambionan keda aproba pa final December e rule book aki lo ta riba mercado. Julio Hellburg un bon amigo di Aruba a propone diferente cambio y adaptacion pa cu e rule book nobo. 4 dia di trabow intensivo desde mainta te anochi ta na caminda. Endy Croes a wordo nomina pa e posicion di Vice Presidente di ISF pa region di Caribe . Diabierna lo tin elecion pa presidente di ISF y vice presidente di diferente continente. Den 140 voto Aruba lo mester 71 pa por drenta Directiva ehecutivo di ISF cual sigur lo por ta un logro historico. ASB ta desea su presidente y vice presidente Endy Croes y Francisco Chipen Chirino tur clase di exito. Nos Arubianonan luciendo riba plataforma internacional mundialmente.
 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event