| 
Mas medaya pa Aruba na e weganan CONCECABOL hubenil na Costa Rica PDF Print E-mail
Friday, 08 November 2013
yannick_bryan_plata_1.jpg Aruba ta sigui destaca den bowling den e torneo Centro Americano y del Caribe (CONCECABOL) na San Jose, Costa Rica den e categorianan di Sub 16 y Sub 21, cual competencia a cuminsa dialuna 4 november cu e disciplina di individual caminda manera ya ta conoci dialuna kaba Aruba a cai den medaya (1 oro – 1 brons).

Diamars tabata un fiesta grandi den e bolero na Costa Rica ora cu Aruba a logra gana 2 medaya mas den doubles den e categorianan Sub 16 cabayeros y Sub 21 cabayeros. Mainta a toca turno na e dos cabayeronan Bryan Helmeyer y Yannick Roos cu a hunga hunto den e categoria di doubles Sub 21. Manera bala a cuminsa lora ta crece so nan a keda crece durante e 6 weganan cu nan mester a tira pa finalmente tira un total di 2362 pins den nan dos pa keda na di dos lugar cual tabata bon pa e medaya di plata. Bryan a tira un averahe di 208.2 y Yannick Roos 187.2. Aki mester remarca cu Yannick ta un atleta di e categoria Sub 16 cu ARBAS a permiti “bowl up” den e categoria di Sub 21. E hoben aki a logra cumpli cu e meta cu ARBAS a pone p’e. Na prome lugar a keda e ekipo di Costa Rica cu un total di 2436 pins y na di tres lugar e equipo di Venezuela cu 2357 pins cu ta 5 pin bao di Aruba. Pues por conclui cu e bataya tabata duro. Atardi a toca turno na e cabeyeronan Renald Thiel y Osmar Bislip den e categoria di Sub 16. Aki tin di bisa cu e fanaticada, hungadornan di otro categoria y mayornan a laga e bolera chikito apoyando e muchanan aki cu tabata tira diferente weganan ariba 200. Creciendo den nan wega, nan dos hunto a tira un total di 2339 pins pa asina logra e prome lugar den nan categoria (medaya di Oro). Renald a tira un total di 1187 pins (avg 197.8) y Osmar 1152 (avg 192.0) cualnan ta averahenan di respeta pa muchanan di 16 aña. Aruba a drenta e ultimo wega contra Venezuela cu tabata 50 pin dilanti di Aruba na di prome lugar. Den e ultimo wega aki Renald a tira un wega di 239 y Osmar 208 pa bolter cos y pasa pa e di prome lugar. Na di segundo lugar a keda Venezuela cu un total di 2287 pins y na di tres luga Colombia cu 2165 pins. Coachnan Chris Dammers y James Porter, e representante di ARBAS Anthony Tjin Kon Fat, cu ta cu e atletanan na Costa Rica y directiva di ARBAS ta sumamente satisfecho cu e prestacion di e atletanan aki cu ta dunando competencia serio na atletanan di paisnan grandi den region. Un palabra di felicitacion ta bai pa e 4 atletanan hoben medayistanan, Bryan Helmeyer, Yannick Roos, Renald Thiel y Osmar Bislip. Contando e medayanan di diamars ultimo unda Kamilah Dammers a logra oro y Shakaina Querero medaya di brons, Aruba awor tin 2 medaya di oro, uno di plata y uno di brons. Cu otro palabra nos hobennan ta representando Aruba den un gran forma. Un danki ta bai un biaha mas na Comision di Subsidio y COA pa e apoyo duna durante e prepacion y un danki tambe na nos fanaticadanan. Directiva di Arbas ta keda pendiente pa e resultadonan di e disciplinanan Team y Maters.

renald_osmar_oro_1.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event