| 
Team di Arubiano na Hulanda den pleno preparacion pa WK Amsterdam 2008!!! PDF Print E-mail
on Wednesday, 07 May 2008

Published in : , Futbol


WKAmsterdam2008 (7).jpg
Dia 31 di mei y 1 di  Juni Aruba lo competi atrobe den e torneo amateur mas grandi di futbol na Hulanda cu ta hiba como nomber WK Amsterdam. Click den Gallery pa mira mas di 100 pics di nos Arubianonan preparando pa WK Amsterdam 2008.

Esaki lo ta e di cinco biaha cu Aruba lo participa na e competencia aki y desde prome aña Aruba semper tabata forma parti di e top 8 di  miho teamnan. E aña aki lo participa cuarenta pais, cual casi tur ta hopi conosi den e mundo di futbol. Entre nan bo ta haja  Argentina, Hulanda, Mexico,Italia y hopi mas. WK Amsterdam lo wordo transmiti pa prome biaha live riba television local di regio Noord Holland esta AT5 cu tin un cobertura di 700 mil televidente y tambe pa e corant Spits y e radio famoso Funx cu hunto ta cubri casi 1 miyon persona. Esaki sigur ta un propaganda impagabel pa Aruba mirando cu tur aña Aruba ta un di e teamnan mas comenta y ta wordo yama “de smaakmakkers van het toernooi”

Aruba ta preparando duro pa e torneo aki ja cu tur posibilidad tin pa Aruba bai cu e copa. Durante 5 aña Aruba a duna bataya fuerte y tur team tin miedo di topa Aruba riba veld. Aruba a hunga 3 wega amistoso contra Argentina,Tunesia y Vietnam caminda Aruba a Sali victorioso di tur 3. E coach di Aruba Venancio (Benky)  Eckmeyer ta satisfecho cu e team y ta mira e torneo cu un bista positivo.

Diaranzon dia 23 di April a tuma lugar e loting cu a wordo hasi pa Hidde van Warmerdam presentador di deporte di canal di television AT5. Aruba ta encabesa poule F y lo topa den prome buelta contra Iran,Italia y pa di 4 biaha nos hermana isla Corsow.
Na e evento aki no solamente ta bai tin partido di futbol, pero tambe ta bai tin eventonan cultural asina cada pais tin e oportunidad di bin cu un show cu tin algo di haber cu nan cultura, tambe cada pais tin e oportunidad di bin cu standnan cu cuminda tipico di nan pais. E oportunidad aki nos no ta laga pasa sin cu Aruba participa. Pues e dia aki Arubianonan lo zorg pa bendemento di cuminda y tambe mustra un tiki di nos cultura.

E evento aki ta un promoshion pa Aruba, pa e artistanan Arubiano cu participa y principalmente pa e hungadornan cu lo competi. Den pasado tabatin varios hungador cu a haja e oportunidad di sera un contract pa hunga futbol profesional cu varios team aki na Hulanda. E chens cu esaki lo ripiti ta hopi grandi, pasobra e organisadornan di e WK Amsterdam aki ta specula di haja entre 8.000 pa 10.000 persona cu lo asisti na e evento grandi aki. Y mas cu claro un bon oportunidad pa nos futbolistanan.

       

E personanan cu a tuma e inisiativa pa Aruba tuma parti na e torneo aki ta Venancio (Benky) Eckmeyer, Maurits Malmberg, Merita Eckmeyer, Carolina Eckmeyer, Michaline Eckmeyer. Nos kier a gradici nos sponser Arcura Trading cu ta para nos tras desde principio y tambe Arubahuis cu ta sponser nos transporte pa e hungadornan.
Nos di Comision Aruba All-stars lo aprecia cualkier persona of instancia cu lo kier yuda nos pa asina nos representa Aruba . Loke e comision ta lamenta cu niun federacion,fundacion of organisacion deportivo Arubiano no ta despuesto pa sponser e team di Aruba cu ta hasiendo un propaganda grandi pa pais y e deportistanan.  Pa cualkier pregunta of ayudo por tuma contacto cu nos via nos mail This e-mail address is being protected from spam bots, you need JavaScript enabled to view it Pa mas informashon wak riba e website www.wkamsterdam.nl of www.den-e-sauce.com of riba www.dac-image.com

Hungadornan Di Aruba Allstars

Venancio (Benky ) Eckmeyer

RCA,Nacional, Caiquitio

Jeanluc Bergen

RCA

Alwin Toppenberg

RCA

Gilberto Spataro

RCA

Ronald Gomez

RCA

Brian Siem

Dakota

Steve Escalona

Bubali

Ruben Escalona

Bubali

Daniel Escalona

Bubali

Marco Tromp

Hulanda

Gilbert Kelly

Caquetio

Jersey Romney

Sportboys

Ronnie Nouwen

Excelsior / DOTO

Reinhard Breinburg

Feyenoord/ FC Doordrecht

Carlo Solognier

Hulanda

Mario da Silva

Hulanda

Marvic Bermudez

RCA

Andrick Tromp

Bubali

Patrick Maduro

Hulanda

Eldrid Korsen

Riverplate

   
   
 Nos di SportsAruba.com kier a gradici Sr. Maurits Malmberg cu a tuma contacto cu nos y asina lo mantene nos altanto di tur cos cu ta pasa cu ekipo di Aruba. Nos kier deseanan hopi exito den e Torneo grandi aki y masha danki pa e Picsnan. Click den Gallery bo por wak tur e potretnan.
   

Users' Comments  
 

Average user rating

   (0 vote)

 

Display 1 of 1 comments

By: chivaro (Guest IP 199.2.114.236) on 10-07-2010 09:01

never let rca down rca pa bida

 

Display 1 of 1 comments



Add your comment
Name
E-mail
Title  
 
Comment
  Available characters:  
   Notify me of follow-up comments
   
   



mXcomment 1.0.2 © 2007-2014 - visualclinic.fr
License Creative Commons - Some rights reserved
 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event