| 
A1 Performance Cycling Team a haya excelente resultado den Clasico Himno y Bandera 2014 PDF Print E-mail
Sunday, 30 March 2014
apct_3.jpg Dia 18 di maart ultimo ariba nos dia Nacional di Himno y Bandera a tuma lugar e careda anual di ciclismo “Clasico Himno y Bandera 2014”

caminda nos atletanan den Junior Development, hobenan talentoso y pasiona, y nos Senior Team cu adultonan motiva y dedica, ta luci den un forma tremendo den e deporte di Cilismo. APCT a participa den Road Bike cu hobenen den Categoria Sportive 1, cu ta Justice Dreischor (16), Axel Tromp (15), Kylian Balkenstein (14) y Nathaniel Knikker (16). Den Sportive 2 Geremy Arendsz, Sportive 3 Martijn Balkenstein, y den Ladies Open 15+, Benay Statia (15) y Chantal Ecury. Den Mountain Bike Beginner Ladies, Amanda Morales (15). Esaki ta un careda clasico y epico cu ta honra nos dia Nacional y cu tin su exihencianan fuerte cu ne. E careda ta consisti di hopi subida cu ta pasa gran parti di area pafor di camindanan grandi y de e temporada aki cu biento fuerte di mas cu 40+ km/h creando asina un extra obstaculo mas pa lucha contra dje. APC-team ta consisti di atletanan bastante hoben sin embargo nan a duna un tremendo performance. Resultado maximo pa APCT ta di e hoben Justice cu a wanta duro cu e grupo di expertonan te na Diamantenbergweg. Pero a sa di a lucha fuerte contra e subida y biento den e utlimo kilometernan y a pace su mes defendiendo asina e adelanto cu e la crea te final pa asina obtene e promer puesto den Sportive 1. Su compañero di equipo Axel Tromp cu dune un hopi bon sosten na e promer mitar di e careda a termina algun minuut atras, a sprint pa 3er lugar. Geremy Arendsz, coriendo pa mas di mitar di careda su so dilanti den Sportive 2, ta logra obtene 1er lugar den su categoria. Den e Categoria Sportive 3 cu ta e veteranonan di careda tambe APCT ta logra podium cu Martijn Balkestein na 3er lugar. Benay Statia (15) despues di a defende ⅔ parti di e ruta cu rancadanan di e 2 atletanan Juniors di Campeon Odesur Juvenil Time Trial C. van der Linden (18) y tambe di Campeon di Caribe Juvenil di Time Trial O. Thielman (17), ta logra jega di 3er lugar. Agradecido di e ajudo ricibi di su compañero di equipo Nathaniel Knikker cu a mustra camaraderia di deporte dor di a sacrifica su careda pa juda su compañera di equipo. Pa e motibo ey el a wordo nomina 'APCT Teammate of the Race' cu ta un ehempel importante den e deporte specifico aki. Amanda Morales (15) cu ta un nobato tambe a destaca dor di logra promer puesto den e categoria di Beginners Ladies den Mountain Bike. Coach, mayornan y voluntarionan ta orguyoso di por forma parti di un team asina uni y disciplina. Paso no ta e atletanan cu ta core bicicleta so ta forma e team sino e apoyo y sosten cu tin nan tras ta hasi un team completo. Coach Aldrick Maduro ta duna un danki na AWB, e otro teamnan cu a juda organisa e careda y en especial tur mayornan, voluntarionan y atletanan di APCT pa un tremendo comienso di e aña di ciclismo aki

apct_2.jpgapct_3.jpgapct_5.jpgapct_6.jpgapct_8.jpg

 

 
< Prev   Next >
Benjamin Security NV
Compra
There are no upcoming events currently scheduled.
View Full Calendar
Add New Event